အရင်းအမြစ်များ ( ဟေတုပစ္စယော )

သစ်ပင်တစ်ပင်ရဲ့ ရေသောက်မြစ်သည် သစ်ပင် ဆက်လက်၍ အသက်ရှင်သန်ရေးအတွက် အရေးကြီးတဲ့ အခြေခံမူလ အရင်းအမြစ် ဖြစ်ပါသည်။ သစ်ပင်ရဲ့ အရွက်၊အပွင့် ၊အသီးများ ဆက်လက် ပွင့်လင်းဝေဆာနေစေရန် ရေသောက်မြစ်သည် အဓိကဖြစ်ပါသည်။ ထို့နည်းတူ သတ္တ၀ါ တစ်ဦးတစ်ယောက် ဘ၀သံရာတွင် ဆက်လက်၍ ဘ၀ရှင်သန်ရေးအတွက် ဟိတ်ခြောက်ပါး(လောဘ၊ဒေါသ၊မောဟ၊အလောဘ၊အဒေါသ၊အမောဟ)သည် အဓိကကျသော တရားများဖြစ်ပါသည်။ လူတစ်ဦးတစ်ယောက် ဘ၀သံရာတွင် ဆက်လက်၍ ဘ၀ရဟတ် လည်ပတ်နေရန် ကုသိုလ်အရင်းအမြစ် သုံးမျိုးနှင့် အကုသိုလ်အရင်းအမြစ် သုံးမျိုးတို့ဖြင့် ထောက်အကူပြုထားပေးပါသည်။ ယင်းဟိတ်ခြောက်းပါးတွင် လောဘတရားသည် သမုဒယသစ္စာမည်ပေသည်။ ကုသိုလ်၊ အကုသိုလ်ကံများသည် ကာမ၊ရူပ၊အရူပ ဘုံဘ၀များတွင် ကျင်လည်စေရန် အကြောင်းအကျိုး သင်္ခါရတရားများပင် ဖြစ်ကြပါသည်။ ဒါကို ကံ (စေတနာ) ဟုလည်း ခေါ်ဆိုကြပါသေးသည်။

ကမ္ဘာမြေကြီးသည် သစ်ပင်တောအုပ်များနှင့် ပြည့်စုံစိမ်းလန်းနေမှာသာ သာယာစိုပြေမည် ဖြစ်ပါသည်။ သစ်ပင်တောတောင်မရှိလျင်ကား သတ္တ၀ါများ အသက်ရှင်သန်ရေးအတွက် အလွန်ပင် ခက်ခဲကြမည်ဖြစ်ပါသည်။ အပင်နှင့် ရေသည် အကြောင်းအကျိုးအနေဖြင့် တည်မှီနေကြပါသည်။ ရေမရှိလျင် အပင်လည်းမရှိနိုင်သလို၊ အပင်မရှိလျှင်လည်း လူသားများနေထိုရာဂြိုလ်သည်လည်း အင်္ဂါဂြိုလ်ကဲ့သို့ပင် ဂြိုလ်သေဖြစ်လေရတော့ကား သတ္တ၀ါများ အသက်ရှင်နေထိုင်ဖို့ မဖြစ်နိုင်ကြတော့ပေ။ ထို့ကြောင့် သစ်တော သစ်ပင်များသည် ကမ္ဘာမြေကြီးရဲ့ အရင်းအမြစ်များ ဖြစ်သကဲ့သို့ မြေကြီးရဲ့ဆံပင်မွှေးညင်းများဟု ဆိုလျင်လည်း မှားအံ့မည်မထင်ပေ။

စာရေးသူ လာရောက်လာရောက်ပညာလေ့လာရာ သီရိလင်္ကာနိုင်ငံလေးသည် အရှေ့တောင်ဘက်၊အိန္ဒိယသမုဒ္ဒရာအစွန်းတွင်တည်ရှိသည့် လှပသည့်ကျွန်းနိုင်ငံကလေး ဖြစ်ပါသည်။

နိုင်ငံရဲ့ အလယ်ဗဟိုဒေသများတွင် စိမ်းလန်းစိုပြေသောတောင်တန်းများဖြင့် ထူထပ်လျက်ရှိပါသည်။ နိုင်ငံရဲ့ပြည်သူများသည် ဗုဒ္ဓဘာသာဝင် ၇၆% နှုံးရှိကြပြီး ဗုဒ္ဓဘာသာသည် နိုင်ငံတော်ရဲ့ အဓိကဘာသာလည်း ဖြစ်ပါသည်။ သစ်ပင်တောတောင်များ ချစ်ခင်နှစ်သက်ကြသောလူမျိုးများဟု ဆိုရလောက်အောင် မြို့တွင်း မြို့ပြင် နေရာအနှံ့အပြားတွင် သစ်တောသစ်ပင်များ ဖုံးလွှမ်းပြည့်နှက်နေသော ချစ်စဖွယ်ကျွန်းနိုင်ငံကလေးဖြစ်ပါသည်။

ကျွန်းနိုင်ငံဖြစ်သည့်အားလျော်စွာ ပင်လယ်ရေပြင်ပေါ်မှ ဖြတ်သန်း၍ တိုက်ခတ်လာသော ပရိုတိမ်းဓာတ်ပါသည့် လေနှင့် သစ်တောကြီးများမှ ထွက်သော အောက်စီဂျင်ဓာတ်များမှာ ပေါင်းဆုံပေး၍ ကျွန်းသူကျွန်းသားများအတွက် အလွန်အဖိုးတန်သော လေကောင်းလေသန့်များဖြစ်လာပါတော့သည်။ သီရိလင်္ကာကျွန်းရဲ့ မြို့တော်မှာ ကိုလံဘိုမြို့ဖြစ်ပြီး ပင်လယ်ကမ်းစပ်နားတွင် တည်ရှိလျက် နေ၀င်ရာ အနောက်အရပ်၊ အိန္ဒိယပြည်ဘက်သို့ မျက်နှာမူထားပါသည်။ ဒုတိယမြို့တော်မှာ ကန္ဒီမြို့ဖြစ်ပြီး တော်ပေါ်မြို့ကလေးပင်ဖြစ်ပါသည်။ မြို့ကြီးငယ်အားလုံးမဟူ ကျေးငှက် သာရကာများရဲ့ အသံကို မိုးလင်းသည်နှင့် ကြားနေရသည်မှာလည်း စိတ်ချမ်းမြေဖွယ်ရာကောင်းလှပေသည်။ သစ်တောဧရိယာဖုံးလွှမ်းမှုများသဖြင့် ကျွန်းသားများအတွက် မရှိမဖြစ်လိုအပ်သည့် ရေသယံဇာတလည်းပေါကြွယ်ဝလှပါသည်။

ရဟန်းအဖြစ်သည် ရခဲ၏(ပဗ္ဗဇိတဘာဝေါ ဒုလ္လဘော)ဟု ဗုဒ္ဓကဆိုပါသည်။ ရဟန်းတစ်ပါး ဖြစ်လာပြီးနောက် သီလစတဲ့ အခက်အရွက်များ ဖွံ့ဖြို့ဝေဆာနေဖို့ရန် ပရိယတ်၊ပဋိပတ် ၊ ပဋိဝေဓ လို့ခေါ်တဲ့ သာသနာသုံးရပ် ရေသောက်မြစ်ရှိရန် လိုအပ်ပေသည်။ ယင်းရေသောက်မြစ်သုံးရပ်သည် တစ်ခုနှင့် တစ်ခု အကြောင့်အကျိုးပြု၍ တည်မှီလျက်ရှိပေသည်။ သီလကို ပရိယတ္တိ၊သမာဓိကို ပဋိပတ္တိ နှင့် ပညာကို ပဋိဝေဓဟုလည်း နှိုင်းယှဉ်၍ ခေါ်ဆိုနိုင်ပါသေးသည်။ ရှေးရှေး ဆရာတော်ဘုရားကြီးများက ပရိယတ္တိသည် ကန်ဘောင်ကြီးနှင်တူသည်။ ပဋိပတ္တိသည် ရေကန်ထဲက ရေနှင့်တူပြီး ပဋိဝေဓသည်ကား ပွင့်နေသည့် ကြာပန်းခိုင်နှင့်တူသည်ဟုလည်း တင်စားတော်မူခဲ့ကြပါသည်။

ဝိနည်းသည် သီလကို အထောက်အပံ့ပေးပါသည်။ သုတ္တန်သည် သမာဓိကို အထောက်အပံ့ပေးပါသည်။ အဘိဓမ္မာသည် ပညာကို အထောက်အပံ့ပေးပါသည်။ ၀ိနည်းကို အာဏာဒေသနာဟူ၍လည်း ခေါ်ပြီး မဟာကရုဏာတော်ဖြင့် ၀ိနည်းကို ပညတ်ခဲ့ပါသည်။ သုတ္တန်ကို ဝေါဟာရဒေသနာဟု ခေါ်ဆိုပြီး အဘိဓမ္မာကိုမူ ပရမတ္ထဒေသနာဟုလည်း ခေါ်ဆိုနိုင်ပါသည်။

သီရိလင်္ကာနိုင်ငံတွင် အရင်းအမြစ်တကာတို့တွင် ဘယ်အရင်းအမြစ်တွေက အားသာသည်၊ အားနည်းသည်ဆိုသည်ကား ကိုယ်တိုင် ဆက်လက်၍ လေ့လာရအုံးမည် ဖြစ်ပါသည်။ လူသားအခွင့်အရေး အရင်းအမြစ်လား၊ အတွင်း အဇ္ဈတ္တဖြစ်တဲ့ ကိုယ်ကျင့်တရား ကောင်းမွန်ခြင်း အရစ်အမြစ်လား၊ ပြင်ပဗဟိဒ္ဓရုပ်ဝတ္ထုဖြစ်တဲ့ ရေမြေသယံဇာတ အရင်းအမြစ်လား ဆိုတာကို ဆက်လက်လေ့လာ ရအုံးမည်ဖြစ်ပါသည်။

သီရိလင်္ကာရဲ့ အမာထည် အရင်းအမြစ်( Hardware Resources)၊ အပျော့ထည် အရင်းအမြစ် (Software Resources) ဟုနှစ်မျိုးရှိရာတွင် ကျွန်းနိုင်ငံဖြစ်သည်နှင့်အားလျော်စွာ ပင်လယ်ဆိမ်ကမ်း၊ ငါးဖမ်းလုပ်ငန်း၊ လက်ဖက်စိုက်ခင်းလုပ်ငန်းများ ထွန်းကားပါသည်။ လက်ဖက်လုပ်ငန်းသည် ကိုလိုနီဗိတိသျှတို့မှ ကျန်ရစ်ခဲ့သည့် ကောင်းမွေဖြစ်ပါသည်။

အပျော့ထည် အရင်းအမြစ်( Software Resources)များမှာကား နိုင်ငံသားများသည် ဗိတိသျှအမွေများကို ကောင်းမွန်စွားထိန်းသိမ်းလာသည့်အားလျော်စွာ စာတတ်မြောက်မှု များပြားကြပြီး အင်္ဂလိပ်စာကို နိုင်ငံသားတိုင်းလိုလိုက တတ်မြောက်ကြပါသည်။ ဗုဒ္ဓတရားတော်မျာကို ကမ္ဘာသို့ အင်္ဂလိပ်လို ရေး၍ စာအုပ်ထုတ်ဝေခြင်း၊ ဟောပြောခြင်းများဖြင့်လည်း အပျော့ထည် စီးပွားရေး ထွန်းကားပါသည်။ သာသနာ့ဝန်ထမ်း ရှင်ရဟန်းများရော၊ နိုင်ငံ့ခေါင်းဆောင်နှင့် တိုင်းသူပြည်သားအားလုံးများပါမကျန် ဗုဒ္ဓဘာသာတရားကို အထူးနားလည်ကြပါသည်။

ကမ္ဘာ့ပညာရှင်များလည်း သီရိလင်္ကာကို ထေရ၀ါဒဗုဒ္ဓဘာသာသမိုင်းပြတိုက်နိုင်ငံအဖြစ်ဖြစ်စေ၊ ရှေးဟောင်းသမိုင်းဌာနနယ်မြေများ အဖြစ်ဖြစ်စေ အသိအမှန်ပြုထားကြသည့်အားလျော်စွာ လာရောက်၍ သုသေတနပြုလေ့ရှိကြပါသည်။ မိမိတို့ မြန်မာပြည်သားများလည်း အခါအားလျော်စွာ ဘုရားဖူးများ လာရောက်လည်ပတ်ကြသည်။ သီရိလင်္ကာနိုင်ငံသားများသည်ကား နိုင်ငံခြားတိုင်းပြည်များတွင် အများအားဖြင့် ပညာရေး(Knowledge base)ဖြင့် အသက်မွေးကြကာ မိမိတို့ရဲ့နိုင်ငံခြားဝင်ငွေကို တစ်ဖက်တစ်လမ်းမှ ရှာဖွေဖြည့်ဆည်းပေးကြပါသည်။

သီရိလင်္ကာနိုင်ငံသည် မိမိတို့ မြန်မာနိုင်ငံကဲ့သို အကျယ်အ၀န်းရော လူဦးရေပါ သေးငယ်လှပါသည်။ နိုင်ငံအကျယ်အ၀န်ဝန်းသည် မန္တလေးတိုင်းပမာဏခန့်ရှိပြီး လူဦးရေမှာ သန်း၂၀ ခန့်ရှိသည်။ လူဦးရေအချိုးနည်းသည့်အတိုင်း ရေမြေသယံဇာလည်း မြန်မာပြည်ကဲ့သို့ မကြွယ်ဝလှပေ။ ထို့ကြောင့် သီရိလင်္ကာနိုင်ငံသားများသည် ပညာရေးကဏ္ဍတွင် လူ့သားတွေဆီမှ ထွက်နိုင်ငံသည့် လူသားအရင်းအမြစ်ကို ထုတ်ယူဖို့ကြိုးစားကြရပါသည်။

သီရိလင်္ကာနိုင်ငံတွင် ဗုဒ္ဓဘာသာကိုးကွယ်သူ ရာခိုင်နှုန်း ၇၆% ရှိပြီး ဒုတိယအများဆုံးမှာ မူစလင်ဘာသာဝင်များဖြစ်ကြပါသည်။ လူမျိုးအားဖြင့် ဆင်ဟလီလူမျိုးနှင့် တမီလ်လူးမျိုးများရှိကြသဖြင့် ကျွန်းပေါ်တွင် လူမျိုးရေး ပဋိပက္ခ ပြည်တွင်းစစ်မီးတောက်ခဲ့သည်မှာ နှစ်ပေါင်းများစွာကြာမြင့်ခဲပါသည်။ ၁၉၄၈ ခုနှစ်တွင် ဗိတိသျှအစိုးရမှ လွတ်လပ်ရေးရခဲ့ပြီး ပါလီမာန်ဒီမိုရေစီစနစ်ကိုကျင့်သုံးသည် သမ္မတနိုင်ငံတော်ဖြစ်ပါသည်။ ပြည်တွင်းစစ်မှာ ရေရှည်ကြာခဲ့ပါသည်။ ၂၀၀၉၊မတ်လတွင် ယခု သမ္မတ လက်ရှိ မဟိန္ဒလက်ထက်တွင် တမီလ်လူမျိုးစုတော်လှန်ရေးသမားတို့ကို အပြတ်ချေမှုန်းနိုင်ခဲ့သဖြင့် သီရီလင်္ကာကျွန်းပေါ်တွင် ပြည်တွင်းစစ် စတင် ကင်းစင်သွားသည့်နှစ်ဟုပင် ကမ္ပည်းတင်ရမလို ဖြစ်နေပါတော့သည်။

သီရိလင်္ကာနှင့် မြန်မာပြည် ဆက်ဆံရေးမှာ ပုဂံခေတ် ဆပ္ပဒမထေရ်လက်ထက်ကတည်းကပင် ဘာသရေးအရ နှစ်နိုင်ငံ ချစ်ကြည်ရင်းနှီးမှုရှိခဲ့ကြပါသည်။ နှစ်နိုင်ငံမင်းများက ဗုဒ္ဓဘာသာကို အကြောင်းပြု၍ နှစ်နိုင်ငံ ခိုင်မာတဲ့ သံတမာန်ဆက်ဆံရေး ရှိခဲ့ကြပါသည်။ ရုပ်ဝတ္ထုတိုးပွားရေး( Material Development) အတွက် အထူးပင်မရှိခဲ့သော်လည်း စိတ်ဓာတ်ဖြူစင်ရေး( Spiritaul Development) အတွက် များစွာ ခိုင်မာခဲ့ကြပါသည်။ အပြန်အလှန်ဘာသာရေးအရ ကူညီအားပေးမှုသည် ပုဂံခေတ်မှသည် ယနေ့တိုင်အောင် ဆက်လက် အဓွန့်ရှည်တည်တံ့လျက် ရှိပါနေတော့သည်။

လူတို့နေရာ ဤကမ္ဘာ တဏှာ အုပ်စိုးသည်…….

ငါတို့နေရာ ဤကမ္ဘာသည်ကား ရာသီဥတု အပူအအေး ပြောင်းလဲမှုဒဏ် အကြီးအကျယ်ကို ရင်ဆိုင်နေရပြီး ကမ္ဘာ့လေထုထဲတွင်လည်း ကာဗွန်ဒိုင်အောက်ဆိုက်တွေက အလျင်အမြန်ကို ဖြစ်ထွန်းတိုးတက်လျက်ရှိသည်ဟု သိပ္ပံပညာရှင်များစုက တစ်သံတည်း ထွက်လာနေကြပြီ ဖြစ်သည်။

ကမ္ဘာ့ကြီး ပြောင်းလဲပုံစနစ်တွေကို ဂျိုတုစလောင်းကဖြစ်စေ၊သုသေသနအချက် အလက်တွေဆီကနေဖြစ်စေ ကျနုပ်တို့ တွေ့နိုင်ကြပါတယ်။(မြန်မာက နာဂစ်လိုမျိုး) ဆိုင်ကလုန်း၊တိုင်ဖုန်း၊(အမေရီကန်က ကတ်ထရီနာလိုမျိုး)ဟာရီကိန်းမုန်တိုင်းများ သဘာဝဘေးအန္တရာယ်နှင့်အတူ ကမ္ဘာ့မြေအောက်ကြမ်းပြင် အလွှာရှိ ရေအရင်းအမြစ် ယုတ်လျော့မှုတွေက လှိုင်းတံဘိုးလို အရှိန်အဟုန်ပြင်းစွာ ကျနုပ်တို့ တွေ့ကြုံခံစားနေကြရပါပြီ။

ကမ္ဘာ့မြေပေါ်ရှိ ခြောက်သွေ့သဲကန္တာရလွင်ပြင်တွေကိုလည်း တစ်စထက်တစ်စ ကြီးထွားစေကာ ကမ္ဘာကြီးအတွက် အစာအာဟာရ ဆာလောင်မွတ်သိပ်မှုက တိုးပွားလျက်ရှိလာကြချေပြီ။ ဒါကြောင့် ကျုပ်တို့ရဲ့ လူမှုနေမှုစနစ်တွေကို ပြန်လည်ပြုပြင်သုံးသပ်ဖို့ဆိုတာ သံသယတောင် မရှိသင့်တော့ပါဘူး။

ပူနွေးလာတဲ့အတွက်ကြောင့် ကြိုတင်လုပ်နာဆောင်ရွက်ရမည့်ဥပဒေတွေကို စောဒကတက်မယ့် ကမ္ဘာ့သိပ္ပံပညာရှင်တွေ အနည်းအကျဉ်းသာရှိလာနေကြပါတယ်။ ကမ္ဘာကြီး ပိုမို၍ ပူနွေးလာတဲ့အတွက်ကြောင့် ကြိုတင်လုပ်နာဆောင်ရွက်ရမည့် စဉ်းကမ်းများကို အခြေပြုထားတဲ့ ချဉ်းကပ်မှုမျိုးတွေကို ယုတ်စွအဆုံး ကျနော်တို့ ပူပေါင်း ချမှတ်သင့်နေပါပြီ။ “ဆောင်ရွက်ချက်ရဲ့ထိရောက်တဲ့ရလာဒ်ကောင်းတွေဟာ ခက်ခဲကောင်းခက်ခဲမယ်၊ မဖြစ်နိုင်လောက်ဘူးဆိုရင်တော့ လုံဝကျိန်းသေပျက်ကွက်ခဲ့လို့ ကြိုးပမ်းဆောင်ရွက်သူတွေအပေါ်မှာ အပြစ်ပုံကျလာပါလိမ့်မည်”ဟု ကြိုတင်သတိပေးချက်တွေက ထောက်ပြနေပါတယ်။

နိုင်ငံရာပေါင်းများစွာတို့မှ သိပ္ပံပညာရှင်ထောင်ပေါင်းများစွာတို့က ကမ္ဘာ့ရာသီဥတု ပြောင်းလဲလာခြင်းရဲ့ တိကျတဲ့အခန်းကဏ္ဍကဆိုင်ရာများတွင် အလုပ်လုပ်နေကြပြီး အမှန်ပြုပြင်ဖို့ သဘောထားထုတ်ပြန်နေရုံသက်သက်မျှမဟုတ်တော့ဘဲ တကယ်လိုက်နာဆောင်ရွက်စရာတွေကိုလဲ အကြံပြု လုပ်ဆောင်နေကြပါပြီ။

ငါတို့နေရာ ဤကမ္ဘာမြေဟာ အစကတည်းက ကမ္ဘာ့သမိုင်းကာလတစ်လျှောက် သူ့သသာဝအတိုင်း ရာသီဥတုပြောင်းလဲခြင်းနဲ့အတူ ပုံမှန်အတိုင်း လည်ပတ်နေခဲ့တာပါ။ စိုးရိမ်စရာကောင်းတာကတော့ မယုံကြည်နိုင်လောက်အောင် သာမာန်ထက် အများကြီး လည်ပတ်ပြောင်းလဲစေလောက်အောင်ထိ ကျုပ်တို့တို့က ပြုမူ လုပ်ဆောင်နေကြခြင်းဖြစ်ပါတယ်။ ရုပ်ကြွင်းလောင်စာများကို မီးရှို့ခြင်း၊ ဖန်လုံအိမ်ဓာတ်ငွေများကို ထိန့်လန့်စရာကောင်းလောက်အောင် အလွန်အကျွန် ထုတ်လွှတ်ခြင်းတို့လည်းပဲ ကမ္ဘာမြေပူနွေးစေတာတွေ ဖြစ်ပေါ်လာစေပါတယ်။ ဖန်လုံးအိမ်ဓာတ်ငွေ့ကြောင့် ဥတုရာသီပြောင်းလဲခြင်းအကျိုးဆက်တွေလဲ ခံစားနေကြရပါပြီ။



ယခုအခါတွင် လျင်လျင်မြန်မြန်ကြီး ရာသီဥတုပြောင်းလဲ လည်ပတ်မှုတွေနဲ့အတူ ကျုပ်တို့ရဲ့ လူနေမှုစနစ်တွေ၊ စီပွားရေးစနစ်တွေနဲ့ အတွေးအမြင်တွေက လိုက်လျောညီထွေဖြစ်ဖို့ အလွန့်အလွန် အခက်တွေ့စေပါတယ်။

ဒီဝက်ဆိုက်မှာတော့ ကမ္ဘာရာသီးဥတုပြောင်းလဲခြင်း သဘာဝအကြောင်းတွေ အများကြီး ဖော်ပြထားပြီး ဖတ်ရသူများအတွက် နားလည်သဘောပေါက်စေလိမ့်မည်ဟု ယုံကြည်နေပါသည်။ စာဖတ်သူများ ရှေ့ဆက်လုပ်ဆောင်စရာတွေနဲ့အတူ နောက်ထပ် ရာသီဥတုပြောင်းလဲခြင်းဆိုင်ရာတွေကို တစ်ကမ္ဘာလုံးနဲ့နှိုင်းရယင် အသေးအမွှားမျှသာရှိသေးသည်ဟုအထင်ဖြင့်လည်း စိတ်ဓာတ်ခွန်အားမလျော့သင့်ပေ၊ ကျုပ်တို့နှင့်လက်တွဲကာ ကမ္ဘာကြီးပြောင်းလဲလာမှုနှင့် ပူနွေးလာခြင်း သဘောသဘာဝတွေကို အတူလေ့လာကြပြီးတော့ “အုတ်တစ်ချပ် သဲတစ်ပွင့်”အနေနဲ့ ထူးခြားတာ တစ်ခုခုတော့ သင်လုပ်ဆောင်လာနိုင်လမ့်မည်ဟု ယုံကြည်နေမိပါတယ်။
http://www.global-greenhouse-warming.com/index.html မှဆီလျော်အောင် ဘာသာပြန်ဆိုသည်။

( ကျုပ်တို့ ကမ္ဘာ့လူသားတွေကိုယ်စီမှာ တောက်လောင်နေတဲ့ အတွင်း လောဘမီး၊ ဒေါသမီး၊မောဟမီး တွေကို အရှိန်လျှော့ပစ်လိုက်ယင် ကမ္ဘာကြီးအပူသက်သာလာမှာဖြစ်နိုင်ကြောင်း ဘာသာပြန်သူက တွေးမိနေကြောင်းပါဗျာ)

သတ္တ၀ါများနှင့် လောကဓာတ် (Beings and Global Warming)

အဘိဓမ္မာမှာ ကံ ၊ စိတ်၊ ဥတု၊ အာဟာရ ဆိုတဲ့ အကြောင်းတရားလေးမျိုးက လူတစ်ယောက်(၀ါ)သတ္တ၀ါတစ်ဦး အသက် ဆက်လက်ရှင်သန်နေ(Life Procession)ဖို့ ထောက်ပံ့ပေးထားတယ်လို့ ငယ်ငယ်က ဖတ်ခဲ့ဖူးပါတယ်။
အဲဒီလေးမျိုးကတော့....

၁။ ကံက ရုပ်ကို ဖြစ်စေခြင်း

၂။စိတ်က ရုပ်ကို ဖြစ်စေခြင်း

၃။ဥတုက ရုပ်ကို ဖြစ်စေခြင်း ( ဥတုဇရုပ်)

၎။အာဟာရက ရုပ်ကိုဖြစ်စေခြင်း ဟူသတတ်။

ဒီအကြောင်းလေးမျိုးထဲက (၃)ဖြစ်တဲ့ ဥတုဇရုပ်က ကမ္ဘာ့လူသားနှင့် သတ္တ၀ါတွေကို ဘယ်လို အကြောင်းအကျိုး အထောက်အကူပြုကြတယ်လို့ ဂေဗေဒ(Ecology)သင်ခဲ့တုန်းက မေးခွန်းတစ်ခုရင်တွင်းမှာ ဖြစ်ထွန်းခဲဖူးပါသည်။

“ဥတုရာသီ တောကိုမှီ၏”ဆိုတဲ့အတိုင်း ရာသီဥတုက တောတောင်ကိုမှီရ၏။ ကမ္ဘာ့လူသားများကလဲ ရာသီရာသီကို တဖန် မှီနေရပြန်ပါသည်။ ဒါကြောင့်လဲ ဒီဇင်ဘာလ၊၂၀၀၉ မှာ ဒိန်းမတ်နိုင်ငံ၊ မြို့တော် ကွန်ပင်ဟေဂင်မှာ ကုလသမဂ္ဂက ဦးဆောင်တဲ့ ကမ္ဘာလုံးဆိုင်ရာ ရာသီဥတုပြောင်းခြင်း ညီလာခံကို ကျင်းပခဲ့ကြသည်ဟု မှတ်ထင်မိပါသည်။

ပဋ္ဌာန်း ပစ္စယနိဒ္ဒေသ၊ ဥပနိဿယပစ္စည်းမှာတော့ “ဥတု ဘောဇနမ္ပိ ဥပနိဿယပစ္စယေန ပစ္စယော” တဲ့။ ဆိုလိုချက်ကတော့ ရာသီဥတုကလည်း သတ္တ၀ါတို့အသက်ရှင်သန်ရေးမှာ အားကြီးတဲ့မှီရာ ဖြစ်တယ်လို့ ဆိုလိုတာပါပဲ။ ဥတုရာသီကောင်းမွန်လာလျင် အပူဓာတ်၊ အအေးဓာတ်မျှတတာကို အမှီရကြပြီး အရွက်၊အပွင့်၊ အသီး ၊ အမှည့် ၊ ဖြစ်ထွန်းလာတဲ့ အစာအာဟာရတွေလဲ ကောင်းမွန်တဲ့ အဆီသြဇာဓာတ်ကို ဖြစ်စေပါသည်။ အသက်ရှည်စေပါသည်။ ဒါကြောင့်လဲ “ သတ္တ၀ါတွေဟာ အသက်ရှင်သန်ဖို့ အစာအဟာရကို မှီနေကြရတယ်(သဗ္ဗေသတ္တာ အာဟာရဋ္ဌိတိကာ)”လို့ အပြောများနေကြတာ ထင်ပါသည်။

အင်္ဂုတ္တရနိကာယ်မှာ တရားမစောင့်သော မင်းမျိုးအုပ်ချုပ်သူမှ စတင်၍ အိမ်ရှေ့မင်း၊ မူးမတ် ၊ အဲဒီမှတဆင့် တိုင်းသူပြည်သားများက အဆင့်ဆင့် တရားမစောင့်ကြ၊ နတ်များက စိတ်ဆိုးကြ၍ ရာသီဥတုစတင်ဖောက်ပြန်လာသဖြင့် မှန်စွာမိုးမရွာ၊ မြေဆီလွှာ မကောင်း၊ နွယ်ချိုသြဇာဓာတ်မျိုးဆုတ်ယုတ်ကျဆင်း၊ ဓာတ်ကြီးလေးမျိုးနဲ့ဖွဲ့စည်းထားတဲ့ သတ္တ၀ါများရဲ့ ကိုယ်ကာယက အားနည်းလာကြသည်ဟုဆိုသည်။
မြေဆီလွှာညံ့ဖျင်းခြင်းကြောင့် အာဟာရညံဖျင်းလာခြင်း၊ လူသားအပါအ၀င် သတ္တ၀ါတို့မှာလည်း အနာရောဂါဆန်းပြားစွာပေါ်လာခြင်း၊ အပြင်(ဗဟိဒ္ဓ)ရုပ်ကြောင့် အတွင်း(အဇ္ဈတ္တိက)ရုပ်များဖောက်ပြန်ပျက်စီးမှု လွယ်ကူလာခြင်း၊ မဟာဘုတ် ရုပ်ကို မှီ၍နေသော နာမ်တရားတွင် လောဘမီး၊ ဒေါသမီး၊ မောဟမီးများ ပိုမိုနှိပ်စက်လာကြသဖြင့် အကြောင်းနှင့် အကျိုးဆက်စပ်လျက်ရှိသောနာမ်ရုပ်တို့သဘောမှာ အတောမသတ်နိုင်တော့ဘဲ ဆုတ်ယုတ်ပျက်စီးမှု သံသရာလည်လျက် ဖြစ်နေပေတော့သည်။

လူတစ်ယောက်မှာ နေစဉ်နဲ့အမျှ ကိုယ်တွင်းမှာ အပူအအေးမမျှတခြင်းကြောင့်ဖြစ်စေ၊ အာဟာရချို့တဲ့ခြင်းကြောင်းဖြစ်စေ၊ အနာရောဂါ တစ်မျိုးမျိုးနှိပ်စက်ခံနေကြရပါသည်။ ထို့အတူပဲ ကမ္ဘာကြီးကလဲ ဒီလိုပါပဲ။ ကမ္ဘာကြီးကို ဂူဂယ်အာ့(Google Earth)ကနေ နှိုင်းစာယှဉ်ကြည့်လျင်ကား လူတိုနေထိုင်ရာ တိုင်းပြည်တစ်ပြည်ရဲ့ မြေပုံကို လူတစ်ယောက်ရဲ့ လက် ခြေ ဦးခေါင်း အစိတ်အပိုင်းများကဲ့သို့ တစ်စိတ်စီ ရှာဖွေကြည့်ခဲ့ရပါသည်။ မြန်မာပြည်မြေပုံကို ရှာတွေ့ဖို့အရေး လူတစ်ယောက်ရဲ့ ပုံခုံးပေါ်က ပွေးကွက်တစ်ကွက်ကို ရှာနေသလိုဖြစ်ခဲ့ပါသည်။ ထိုမြေပုံပေါ်ရှိလူသားများ၏အရွယ်ပမာဏသည်ကား လူ့ခန္ဓာပေါ်က မမြင်ရတဲ့ ဘက်တီးရီးယားပိုးမျှလောက်သာသာဖြစ်နေတော့သည်။

နေစဉ်နဲ့အမျှ မတူညီတဲ့ ကမ္ဘာ့အစိတ်အပိုင်းများတွင် အပူအအေး မမျှတခြင်း၊ အစာအာဟာရ ၊ မိုးခေါင်ရေရှားခြင်း စတဲ့သဘာဝရာသီဘေးဒဏ်ကို ခံနေစားနေကြရပါတယ်။ အပူလွန်တဲ့နေရာ၊ အအေးလွန်တဲ့နေရာ၊ မျှတတဲ့နေရာ၊ မမျှတတဲ့နေရာ ၊ အစာအဟာရပေါများတဲ့နေရာ၊ အစာရေစာရှားပါးတဲ့နေရာ၊ ရေမရှိ ၊ ရေရှိ စတာတွေမျုိးပဲ လူမှာဖြစ်တဲ့ ဝေဒနာတွေမျိုးကမ္ဘာကြီးမှာ ပြောင်းလဲဖြစ်ပျက်လျက် ရှိနေပါသည်။

ဒီလိုကမ္ဘာကြီးက ရောဂါရအောင် ဘယ်သူလုပ်တာလဲဆိုယင်တော့ အသိဥာဏ်ရှင်ကြီးဖြစ်ပါတယ်ဆိုတဲ့ လူသားတွေကပဲ လုပ်ကြပါသည်။ သစ်တော ပြုန်းတီးလာအောင်၊ လေထုထဲမှာ ကာဗွန်တွေ၊ အဲယားကွန်းမီးသိမ်းဓာတ်ငွေ့တွေ၊ ရေထု လေထုထဲတွေမှာ စည်းကမ်းမဲ့ ပလပ်စတစ်အိပ်စွန့်ပစ်တာတွေ၊ရေနံယိုဖိတ်မှုတွေ၊ ဘတ္တရီ ပလိပ်ပြားတွေ မြစ်ချောင်းကန်တွေထဲပစ်ချတာတွေဟာ တိရစ္ဆာန်သတ္တ၀ါတွေ လုပ်ခဲ့ကြတာမဟုတ်လို့ယုံကြည်ပါသည်။

ဒီကမ္ဘာကြီးပေါ်မှာ မှီတင်းနေထိုင်နေကြတဲ့ သတ္တ၀ါတွေတွေဟာ ရာသီဥတုကို အကြောင်းအကျိုးသဟဲပြုနေထိုင်ကြပါတယ်။ လူသားနဲ့နှိုင်းယှဉ်ရင် အသိဥာဏ်မဲ့ပြီး သညာသိလောက်သာရှိတဲ့ တိရစ္ဆာန် သတ္တ၀ါတွေတောင်မှ ဂေဟဗေဒစနစ်(Ecosystem) အရ ရာသီအလိုက် အပွင့်၊ အသီး၊ အမှဲ့ အစေ့တွေကို ကိုက်ချီစားသောက်ကြပြီး သစ်ပင်ဇီဝမျိုး ပွားများလာအောင် ဆောင်ရွက်ပေးနေကြပါတယ်။

ကျနော်တို့လို အသိဥာဏ်ရှိပါတယ်ဆိုတဲ့ လူသားတွေအဖို့ သူတို့ကလေးတွေလောက်တောင် သစ်ပင်သစ်တော့တွေကို စောက်ရှောက်ထိန်းသိမ်းသင့်ကြပါသည်။ ပင်လယ်ကမ်းရိုးတမ်းရှိ သန္တာကျောက်တန်း( Coal Reefs) တွေကို မပျက်စီးအောင် ထိန်းသိမ်းပေးတဲ့ ပင်လယ်ဂဏန်း (Crab Condos)ဆိုတာတွေရှိတယ်လို့ ဖတ်ဖူးခဲ့ပါတယ်။ ပင်လယ်ရေကကမ်းခြေကို ဒီရေတိုက်စားခြင်းဒဏ်ကို ခံနိုင်ရည်ရှိတဲ့ နောက်အပင်တစ်မျိုးကတော့လမုပင်လို့လဲ မှတ်သားခဲ့ဖူးပါတယ်။

အချို့သောငှက်မျိုးများကြတော့ သစ်စေ့ သစ်သီးများကို စားသောက်၊ကိုက်ချီပျံသန်းတတ်ကြပါသည်။ မိုင်ထောင်ချီခရီးကို ပါတ်စပိုစ်မပါ၊ ချက်ပွိုင့်မရှိ ပြန်သန်းကြပါတယ်။ ကျနော်တို့လို့ ကိုယ့်ဘာသာကိုယ် နယ်နိမိတ်သတ်မှတ်ပြီး အကျဉ်းချမထားခဲ့ကြပေ။ ဒါကြောင့်လဲ သစ်ပင်ဇီဝမျိုးပြန်ပွားတာကို အထောက်အကူဖြစ်ပါတယ်။

အဘိဓမ္မာမှာတော့ နာမ်ဇီဝိတရှိသလို ရုပ်ဇီဝိတ( Bio Chemical )ဆိုတာရှိကြပါသည်။ လူတွေရဲ့ ခန္ဓာကိုယ်ထဲမှာလဲ ဇီဝရုပ်တုံ့ပြန်တုန်ခါခြင်း(Bio Chemical reaction/ Bio Chemical vibration) ဆိုတာရှိပါတယ်။ ဒီလို ခန္ဓာကိုယ်တွင်းဇီဝရုပ်များသည် စိတ် အတက်အကျဖြစ်ခြင်း၊ အာရုံများကြောင့် ဖြူစင် ညစ်နွမ်းခြင်းနဲ့လည်း သက်ဆိုင်လျက်ရှိပေသည်။ ကံကြောင့် ရုပ်ဇီဝိတဖြစ်ရသည်ဟု ဆိုပါသည်။
“စိတ်ပျိုလျှင်ကိုယ်နု” မြန်မာစကားပုံအတိုင်းပင် စိတ်ကလည်း ရုပ်ဓာတ်ကို အားပေးကြောင်း သိလာရပါသည်။ အပြင်ဥတုဇရုပ်ကြောင့် အတွင်းဥတုဇရုပ်အချင်းအချင်းဖြစ်စေ ၊ ရုပ်နှင့် နာမ်အချင်းချင်းဖြစ်စေ၊ နာမ်-နာမ် အချင်းချင်းဖြစ်စေ ဆက်စပ်ကာ အကြောင်းအကျိုး(စက္က/cyclin) လည်ပတ်လျက် ရှိနေတော့သည်တကား။

ထိုကြောင့် မြတ်ဗုဒ္ဓက အောက်ပါအတိုင်းမိန့်ဆိုတာ ဖြစ်ပါလိမ့်မည်။

ယေ ဓမ္မာ ဟေတုပ္ပဘ၀ါ ၊ တေသံ ဟေတုံ တထာဂတော အာဟ ။
တေသဉ္စ ယော နိရောဓော ၊ ဧ၀ံ ၀ါဒီ မဟာသမဏော ။

“အကျိုးတရားအားလုံးဟာ အကြောင်းတရားနဲ့ ကင်း၍ ဖြစ်ရိုးထုံးစံမရှိချေ။ အကြောင်းနှင့် အကျိုးတို့သည် တစ်ခုနှင့်ခုတည်မှီ၍ လည်ပတ်နေကြရသည်။ အကြောင်းတရားချုပ်လျင် အကျိုးတရားလည်းချုပ်လေတော့သည်”ဟု ငါဘုရားဟောတော်မူ၏။
(ခုဒ္ဒကနိကာယ်၊ အပါဒါနပါဠိ၊ ဗုဒ္ဓ၀ဂ် ၊ ဂါထာ အမှတ်၊၂၈၆ )


မှတ်ချက်။ ။ဤဖော်ပြပါဆောင်းပါးနှစ်ပုဒ်သည် ၂၀၀၉၊ ဒီဇင်ဘာလ၊ ကိုပင်ဟေဂင်တွင် ကျင်းပခဲ့သည့် သဘာဝပတ်ဝင်ကျင်ညီးလာခံ ကျင်းပနေဆဲကာလက ရေးနေသည့် အတွေးစာစုများကို ယခုမှ အနားသတ် ပိုစ်တင်လိုက်ရပါသတည်း။

ဥာတတ္ထစရိယ နဲ့ Discrimination

ပရိတ်ကြီးရတနသုတ်မှာ အကျင့်(စရိယ)သုံးမျိုး ဖတ်ဖူးခဲ့တယ်။အဲဒါတွေကတော့…

၁။ လောကတ္ထစရိယ
၂။ ဥာတတ္တစရိယ
၃။ ဗုဒ္ဓတ္ထစရိယ လို့ သုံးမျိုးဖြစ်ကြပါတယ်။

အဲဒီသုံးမျိုးထဲက ဥာတတ္ထစရိယယူပုံနဲ့ပတ်သတ်ပီး မကွဲမပြား ၀ိုးတ၀ါးဖြစ်နေမိတဲ့အတွက် လွန်ခဲ့တဲ့တစ်လလောက်က အပေါင်းအသင်းတစ်ယောက်နဲ့ တက္ကစီပေါ်မှာထိုင်ရင်း ဆွေးနွေးဖြစ်ခဲ့ကြသေးတယ်။
ပါဠိတွေမှာ ဥာတိ = ဆွေမျိုး နဲ့ ကုလ= အမျိုး ဆိုတာတွေကို ဘယ်လို ဘယ်ပုံ ကွဲပြား၊တူညီကြတယ်ဆိုတာကို စဉ်းစားနေမိတာလဲ ကြာလှပါပြီ။
ဗုဒ္ဓကတော့ သူ့တရားကို စောက်ရှောက်သူ၊ သူ့တရားကို ကျင့်သူဟာ သူ့ကိုမြင်တဲ့သူလို့ ပြောထားခဲ့ပါတယ်။ မှတ်မိသလောက်တော့ ၀က္ကလိမထေရ်ကို ဒီလိုပြောခဲ့တာထင်တာပဲ။ ဗုဒ္ဓတရားကို မြင်သူက သူ့သားတော်များ၊ သမီးတော်များဖြစ်ကြတယ်။ ဗုဒ္ဓရဲ့ဆွေမျိုးတွေပေါ့။

မေတ္တသုတ်မှာ “မာနသံ ဘာဝယေ အပရိမာနံ“ တဲ့လေ။ ဆိုလိုချက်ကတော့ မေတ္တာစိတ်ကို အပိုင်းအခြားမဲ့(unlimited space) တိုင်အောင် ပို့လွှတ်ထားရမယ်ဆိုတာပါပဲ။ နောက်ပြီး ” အမျိုးဖြစ်လို့ အဂတိတရားသို့ အစဉ်မလိုက်ရဘူးတဲ့(ကုလေသွ-နာနုဂိဒ္ဓေါ=မျက်ကြီးရာ ဟင်းဖတ်မပါရ)တွေလဲ ပါသေးတယ်။ ဒါကလဲ ခွဲခြားဆက်ဆံမှုမရှိရလေအောင် ထောက်ပြနိုင်တဲ့ စကားအဆိုလေးတွေပါပဲ။ တကယ်လို့သာကိုယ့်အမျိုးတွက်သာ အဂတိတရာလိုက်စားကာ လုပ်နေရင်း အခြားတဖက်သား လူမျိုးတွေကို နာကျဉ်အောင်လုပ်နေခဲ့ယင်လည်း မေတ္တာနဲ့ယှဉ်တဲ့သူ၊ ဗြဟ္မ၀ိဟာရနဲ့ နေတဲ့သူလို့ ဘယ်လိုပြောလို့ရပါ့မလဲ။

မင်္ဂလသုတ်မှာတော့ “ဥာတကာနံစ သင်္ဂဟော=ဆွေမျိုးတွေကို ထောက်ပံရမည်“တဲ့လေ။ ဆွေမျိုးကို ယူဆနည်းကတော့ ဒီနေရာမှာ အညင်းပွားဖွယ်ရာကတော့ အမြင်ကျယ်သည့်အပေါ်တွင်မူတည်သည်ဟုထင်ပါသည်။

ဗုဒ္ဓက ပဌမ၀ါဆိုအပြီး ရဟန်းအပါး ၆၀ နဲ့ သံဃာဖွဲ့စည်းလိုက်ပါတယ်။ အဲဒီနောက်မှာ အများသတ္တ၀ါတွေအတွက်ဆိုပြီးတော့ လေ့လာ၊ကျင့်ကြံထားတဲ့အတိုင်း တစ်ကြောင်းတည်းသောလမ်းကို ရဟန်းနှစ်ပါးမသွားစေဘဲ ဓမ္မကို ဖြန့်ချိ့စေဖို့ ဓမ္မဒူတခရီး စေလွှတ်လိုက်ပါတယ်။ ဒီနေရာမှာ ဗုဒ္ဓရဲ့ ခွဲခြားဆက်ဆံမှု(Discrimination)မရှိတာကို ပေါ်လွင်စေပါတယ်။ ဘယ်သူ့အတွက်လဲ လို့မေးလာခဲ့ယင် အားလုံးအတွက်ပဲ(သတ္တာနံ ဟိတာယ=for the good of many)လို့ ဖြေရမှာဖြစ်လို့ပါပဲ။ ငါတို့ရဲ့ မိဘဆွေစင်ခုနစ်ဆက်အတွက်အမျိုးလား၊ သို့မဟုတ် ဘာသာစကားအုပ်စုကွဲတူသူ မွန်- မွန်ချင်း၊ ဗမာ- ဗမာချင်း၊ကရင်-ကရင်ချင်း၊ ရခိုင်-ရခိုင်ချင်း၊ အမျိုးတူသူ(ဥာတတ္ထ/ဥာတိ-အတ္ထ)လား၊

မြန်မာနိုင်ငံအရှိ နိုင်ငံတူသူ အမျိုး(ဥာတိ)လား၊ ပုခုံးနှစ်ဘက်ကြား ခေါင်းပေါက်ကြချင်းတူသူ ကမ္ဘာမြေပေါ်က လူသားအဖြစ်အမျိုးတူ(ဥာတတ္ထ)လား ဆိုတာ မကွဲမပြား ညင်းပွားဖွယ်ရာရှိနေကြမှာတော့သေချာပါတယ်။အမြင်ကျယ်လေလေ အမျိုးဆိုတာကို ယူဆပုံယူဆနည်းက မှန်ကန်ကြယ်ပြန့်လာလေလေဖြစ်မည်မှာ ဧကန်မလွဲပေတည်း။

ကုလသမဂ္ဂမှာပါတဲ့ “ကုလ“ နဲ့ ”သမဂ္ဂ” ပါဠိပုဒ် နှစ်ပုဒ်ကို ပေါင်းစပ်ထားတဲ့ ညီညွတ်တဲ့လူသားမျိုးနွယ်အဖွဲ့အစည်းလို့ အဓိပ္ပါယ်ရမယ်ထင်ပါတယ်။ ဒီလိုနေရာမှာပါတဲ့ ”ကုလ”ပါဠိပုဒ်က ကမ္ဘာမြေပေါ်မှာ ရှိတဲ့ ပုခုံးနှစ်ဖက်ကြား ခေါင်းပေါက်တဲ့ အမျိုးတူသတ္တ၀ါလို့ အဓိပ္ပါယ်သက်ရောက်နေပြန်တယ်။ ဒါဆိုယင် ကုလ - အမျိုးဆိုတဲ့ နေရာမှာ ချင်းလူမျိုးအချင်းချင်း၊ကချင်လူမျိုးချင်းချင်း၊ မွန်-မွန်ချင်း အမျိုးတူ(ဥာတိ/ကုလ)လို့ယူရင်တော့ ဘောင်ကကျဉ်းနေပြန်ရောပေါ့။ Discrimination လဲဖြစ်နေသလို ရှစ်ပါးသီလတွေမှာပါတဲ့ ဗြဟ္မ၀ိဟာရီ အကျင့်ကိုလဲ လွန်ကျူးဖောက်ဖျက်ရာကျနေပြန်တယ်။

ရတနသုတ်တွင်“ ဥာတတ္ထစရိယံ = အမျိုးတူများအတွက် အားကြိုးထုတ်ရာ၏“ ။ အမျိုးတူတယ်လို့ ပြောတာက လူသားမျိုနွယ်တူတာလား၊ ဘာသာစကားအုပ်စုတူလို အမျိုးတူလား၊ တစ်နိုင်ငံတည်းနေကြလို့ အမျိုးတူတာလား၊ မွန်၊ဗမာ၊ရခိုင်၊ရှမ်း စတဲ့ ဘာသာစကားအမျိုးတူတာတွေကိုပြောတာလားလို့ တစ်ခါတစ်လေ (လား)ပေါင်းများစွာနဲ့ စဉ်းစားခန်းဝင်နေမိတယ်ဗျာ။ ဒါဆို အမျိုးအဆွေဆိုတာ ကိုယ်ကျင့်တရားအရ အယူအဆတူရာတူရာကို အမျိုးတူလို့သတ်မှတ်ကြမလားပေါ့။ဥပမာ အရိယာအမျိုး၊ ပုထုဇဉ်မျိုး၊ ကိုယ်ကျင့်တရားတူရာတွေကို စုပြီးအမျိုးလို့ ဆိုယင်တော့ အရိယာပုဂ္ဂိုလ်အုပ်စုက အမျိုးတူတွေပေါ့။ ”ခင်ရာဆွေမျိုး မိန်ရာဟင်းကောင်း“လို့ မြန်မာစကားပုံတစ်ခုတော့ ရှိပါတယ်။ ဒီလိုပဲ ကိုယ်ခင်မင်ရာ၊ ကိုယ်နဲ့ အကျင့်အာစာရတူသူကိုပဲ အမျိုးတူလို့သတ်မှတ်မလားဆိုတာကိုလဲ ကွဲကွဲပြားပြားကျုပ်မသိသေးတာတော့အမှန်ပါပဲ။ တစ်ရစ္ဆာန်များအတွက် နွား၊ နွားချင်းအမျိုးတူ၊ ကြောင် ကြောင်ချင်း၊ခွေး ခွေးချင်းအမျိုးတူ လို့ သတ်မှတ်လို့ရပေမယ့် အဲဒီ နွားတွေ၊ ကြောင်တွေ၊ ခွေးတွေထဲကမှ အခြားကြောင်မျိုးစိတ်၊ ခွေးမျိုးစိတ် ထပ်ကွဲပြားတာကို မျိုးစိတ်ကွဲ(Species) လို့သတ်မှတ်ကြမယ်ထင်ပါတယ်။

လူသားတစ်ယောက်ဖြစ်ဖို့ခက်တယ်(မနုဿတ္တဘာဝဒုလ္လဘ)လို့တော့ ပြောကြတယ်။ လူဆိုတာ နို့တိုက်သတ္တ၀ါတွေထဲက အသိဥာဏ်ရှိဆုံးသောသတ္တ၀ါတစ်မျိုး(Species) လို့ပြောကြမလား။ ဒါဆို ကမ္ဘာမြေပေါ်မှာ ပုခုံးနှစ်ဖက်ကြား ခေါင်းပေါက်တဲ့ အမျိုးတူတာကို ပဲ ဥာတတ္ထစရိယလိုပြောပြီးတော့ မိဘမျိုးရိုးတော်သူတွေကိုတော့ ကုလလို့တောင်ပြောမလားလို့ တစ်ခါတစ်လေ ကျနော့်အတွက်တော့ ယောင်တောင်တောင်ပါပဲနော်။

ဘုရားလောင်းကတော့ မြောက်မျိုးဖြစ်တော့ သူနဲ့ အမျိုးတူ မြောက်တွေကိုကာကွယ် စောက်ရှောက်ခဲ့တာတွေ မှတ်ဖူးခဲ့ပါတယ်။ခွေးမျိုးကျပြန်တော့လဲ ခွေးတွေကို စောက်ရှောက်ခဲ့ပါတယ်။

ကြားဖူးထားတဲ့ အမေရိကန်ဥပဒေတွေကတော့ ကိုယ်သာလျှင် ကိုယ့်ရဲ့ အစိုးရ၊ ကိုယ့်ရဲ့တိုင်းပြည်ဖြစ်တယ်။ လူတစ်ဦးသားချင်းစီမှာ ကိုယ်ပိုင် နိုင်ငံရှိပြီးတော့ ကိုယ်ပိုင် အစိုးရရှိတယ်။ ဒါကြောင့် လူတိုင်းမှာ အခွင့်အရေးတန်းတူ ကိုယ်စီရှိကြတယ်လို့တောင်ကြားဖူးထားတယ်။ ”အတ္တာဟိ အတ္တနော နာထော= ကိုယ့်ကိုယ်သာ ကိုယ့်ရဲ့ဘ၀ပိုင်ရှင်ဖြစ်တယ်ဆိုတာနဲ့နီးစပ်မှုတော့ အတော်ရှိသားကလား။ လူသားအားလုံး တန်းတူဖြစ်တယ်ဆိုတဲ့အတိုင်း ပညတ်ကိုတော့ ထိုက်သင့်သလောက်ခွာချထားနိုင်တဲ့ ဥပဒေစကားတွေဟာ အမေရိကန်တွေအတွက်တော့ လူမျိုးစွဲကင်းကင်းတိုးတက်ရေးအတွက်များစွားအထောက်အကူပြုတာကတော့ အမှန်ပါပဲဗျာ။

တကယ်တော့ နိုင်ငံတို့၊ လူမျိုးတို့ဆိုတာ ပညတ်တရားတွေပါပဲ။ နာမည်ပညတ်တွေက တစ်ခုပေါ်တစ်ခုထပ်လာလေလေ ကိလေသာတွေက အားပြင်းလာလေလေပါပဲ။ ဘာကြောင့်လဲဆိုတော့ ကိလသာနဲ ပညတ်တို့က အကြောင်းအကျိုး လည်ပတ်နေလို့ပါပဲတဲ့လေ။ အာရုံ-အကြောင်းတွေကြောင့် အာရမ္မဏိက-အကျိုးတွေဖြစ်တယ်လို့တော့ ပြောကြပါတာပဲ။ ပညတ်တရားတွေက ကိလေသာတို့ရဲ့ အာရုံပဲတဲ့လေ။ သင်္ခတပရမတ်တွေက ၀ိပဿနာရဲ့ အာရုံပဲတွေတဲ့။ အသင်္ခတပရမတ်တရားတွေကတော့ နိဗ္ဗာန်ရဲ့အာရုံပဲလို့ သီတဂူဆရာတော်ရဲ့တရားထဲမှာ နာကြားထားဖူးပါတယ်။

ကုလသမဂ္ဂအဖွဲ့အစည်းများအနက်တစ်ခုဖြစ်တဲ့UNDPရဲ့လုပ်ငန်းတော်တော်များများကိုလေ့လာကြည့်ယင် ကမ္ဘာပေါ်က လူသားအနွယ်ကို ဗဟိုပြုလျက် ကုလ=လူသားမျိုးနွယ်အဖြစ်ယူဆထားပြီး လူတွေဆင်းရဲမွဲတေတာကို တိုက်ဖျက်ရေး၊ ၂၀၁၅ ခုနှစ်မှာ ကမ္ဘာလုံးဆိုင်ရာ ဆင်းရဲတွင်းက လွတ်မြောက်ရေးအတွက် ထောင်စုသစ်ရည်မှတ်ချက်ပြည့်မြောက်ဖို့အရေး MDGs (Millinion Development Goals) ကြိုးပမ်းအားထုတ်နေကြတာကိုတွေ့နေ ဖတ်နေရပါတယ်။ အဆိုတော် ရှကီရာ(Shakira) တောင်မှ အစွဲကင်းကင်းနဲ့ ကမ္ဘာပေါ်က ဆင်းရဲတဲ့ နိုင်ငံများဆီကို အချိန်နဲ့နေရာမရွေးချယ်ဘဲ(Wheneverwherever)သူမသီချင်းခေါင်းစဉ်အတိုင်းကမ္ဘာ့အကျိုးပြုလုပ်ငန်းတွေကို UNDPရဲ့ စေတနာ့သံတမန်အနေနဲ့ လူသားကောင်းကျိုးအတွက် လုပ်ဆောင်နေပါပြီ၊ အင်း ကျုပ်မှာတော့ဖြင့် ကရုဏာ၊မုဒိတာတွေကို ဘောင်ကွပ်ဖို့ ကြိုးစားရင်း ဒီမိုး ဒီရေ ဒီလေ ဒီလူ တွေနဲ့ပဲ လုံးထွေးရစ်ပတ်ရင်းနဲ့ အတွေးရေစီးကြောင်းထဲမျောပါနေဆဲပါကောလား။ ကျုပ်ရဲ့ ဥာတတ္ထစရိယကပဲ သူတို့ပြောနေတဲ့ ဥာတတ္ထစရိယ(=အမျိုးသား အကျိုးများရစေဖို့)နဲ့လွဲများလွဲနေရောသလားလို့ တက္ကစီပေါ်ကအတွေးစတွေကို စုတ်ဆေးချယ်သလိုက်ရပါသည် ဟရို့။

အချိန်ကာလ နဲ့ နေရာဒေသကြားက အကျဉ်းကျနေသူများ

ကာလံ။ ။လူသားတွေက မရှိတဲ့ အချိန်ကို အရှိလုပ်ပြီး သူ့ကို ဘောင်ကျဉ်းကျဉ်းထဲကို လိုက်သွင်းလိုက်ကြပါတယ်။ ပြီးတော့ ၁ မှ ၁၂ ထိ၊ (၀ါ) ၁ မှ ၂၄ အထိ ကင်းပွန်းတပ်ပေးလိုက်ကြပါတယ်။ အချိန်ကတော့ အပြုံးမပျက်ခဲ့ပါဘူး။ သူက တကယ်မှ မရှိတာကိုး။ အဲဒီမရှိတာကိုပဲ အရှိလုပ်ပြီး ကျနော်တို့က ဂုဏ်ယူဝင်ကြွားစွာ အချိန်ကို နိုင်နင်းစွာ ဘောင်ခတ်ထားနိုင်တဲ့ အ၀ိုင်းထဲကို ထည့်သွင်းပြီး အရံသင့်တီထွင်ထားတဲ့ ဂဏန်းသင်္ချာတွေနဲ့ ချည်နှောင်ထားလိုက်ကြတာပေါ့။ အဲဒီကတည်းက လွတ်မြောက်ခြင်းမှ ဘောင်ကွပ်ထားတဲ့ အကျဉ်းစခန်းတစ်ခုသို့ လူသားတွေကိုယ်တိုင် ဦးတည်ချီတက်ခဲ့ကြပြီ။

ဖမ်းချုပ်ခဲ့တဲ့ အချိန်ကို အ၀ိုင်းလိုကတစ်မျိုး လေးထောင်သဏ္ဍာန်က တစ်သွယ်နဲ့ ဂုဏ်ယူစွာနဲ့ အိမ်ထဲမှာသိမ်းထားလာကြတယ်။ ကြာလာတော့ (စိတ်မချတာလဲပါတာပေါ့) သွားလေရာ ယူသွားလို့ရအောင် မိမိနဲ့အတူ လက်မှာ လက်ပတ်နာရီသဘောနဲ့ မရှိတဲ့ အချိန်ကို အရှိလုပ်ပီး သယ်ယူလာကြပြန်ပါတယ်။ လူသားက အချိန်နာရီကို ပတ်နေတာလား ၊ အချိန်နာရီက လူသားကိုပတ်နေတာလားလို့ ၀ိုးတ၀ါး ခွဲခြားလို့ မရခဲ့တာပါအမှန်ပါ။

အမှန်တကယ်မရှိတဲ့ အရာကို ကိုယ်ဘာသာကိုပဲ အရှိလုပ်ကာ ၀ိုင်းနေတဲ့ ဘောင်းကျင်းကျင်းထဲမှာ ထည့်သွင်းပြီး သင်္ချာကြိုးနဲ့ ချည်နှောင်ထားနိုင်ခဲ့ကြတယ်။ တကယ်က လူသားတွေက သူ့ကို ဖမ်းချုပ်လိုက်တာတော့ မဟုတ်ပါခဲ့ဘူး။ သူကသာ လူသားတွေကို သူ့(အချိန်)အောက်မှာ ပိပြားသွားအောင် ဖမ်းချုပ်တာဆိုတာ မသိကောင်းလေရော့သလားလို့ အချိန်က သနားနေသတဲ့။

ဒေသံ။ ။ အရပ်မျက်နှာမရှိ၊ နယ်နိမိတ်မရှိပါပဲလျက် လူတွေက နယ်နိမိတ်ကို ငါ့ပိုင်နက်၊ သူ့ပိုင်နက်ဆိုတာနဲ့ သတ်မှတ်ပစ်လိုက်ကြတယ်။ ဗုဒ္ဓက (Sabbe Dhammaa Anatta-All the Things are without a self.Dhp-279) တဲ့လေ။ ကိုယ့်ကိုယ်တောင် မပိုင်ပါပဲလျက် ကိုယ်က တကယ်မရှိတဲ့ ပိုင်နက်တွေကို ပိုင်ဆိုင်ချင်ခဲ့တာဟာလဲ အရူးတစ်ယောက်လိုပါပဲ။

ဘော်ဒါလိုင်း (Border Lines)တွေကို သတ်မှတ်ပစ်လိုက်ကြတယ်။ ရေပိုင်နက်၊ မြေ ပိုင်နက်၊ လေပိုင်နက် စတဲ့ ဝေါဟာရစကားလုံးတွေကို တီထွင်လိုက်ပြီး ဘောင်ခတ် ထောင်ချထားလိုက်ကြတယ်။ တကယ်တော့ ပိုက်နက်တွေကသာ လူသားတွေကို ဘောင်ခတ် ထောင်ချလိုက်တာဆိုတာ လူသားတွေက မသိလေရောသလေားလို့ ဒေသက လှောင်ပြောင်သတဲ့။ စိန္တကျော်သူ ဦးသြရဲ့ ရယ်ခြင်းကြီးသုံးမျိုးအနက် မြေကြီးက ရယ်သည်လို့ မှတ်သားခဲ့ဖူးပါတယ်။အခုတော့ နေရာဒေသကရယ်နေပြီပေါ့။

တိရစ္ဆာန်တွေမှာတော့ လူသားတွေလို အသိဥာဏ်မဲ့ပြီး သညာသိလောက်သာရှိလေတော့ သူတို့မှတ်ဥာဏ်ထဲတွင် နယ်နမိတ်မရှိ၊ အင်မီဂရေးရှင်း(Immigration)နတ္ထိ၊ ချက်ပွိုင့်(Check Point) မရှိ၊ Visa မလို၊ အရပ်မျက်မှာမရှိ၊ အချိန်မရှိပဲ သူတို့ရဲ့ သဘာဝကပေးတဲ့ အာရုံခံကိရိယာ မျက်စိ၊ နား၊ နှာ ၊ လျှာ၊ ကိုယ် တွေမှာ ရိုက်ခတ်လာတဲ့ တုန်ခါမှုလှိုင်း ( Vibration Wave) ကို သညာနဲ့ ဖမ်းပြီး တစ်ကောင်နှင် တစ်ကောင် အချင်းချင်းတုံ့ပြန် ဆက်ဆံကြပါတယ်။

တစ်ခါတစ်လေကျပြန်တော့လည်း လူသားများကိုယ်တိုင် ဆရာကြီးလုပ် တီထွင်ခဲ့တဲ့ အချိန်နဲ့ နေရာတွေက လူသားတွေကိုပဲ အကျဉ်းချလာထားတဲ့အတွက် လူသားတွေက ဒီလိုတမ်းတကြပြန်ပါတယ်။ ” အင်း ငှက်ကလေးများလို လွတ်လပ်စွာ ပျံသန်းလို့ရရင် ကောင်းမှာပဲ၊ တောင်ပံပါရင် မင်းဆီကို ”တဲ့လေ။ ဒါနဲ မပြီးကြသေးပါဘူး၊ လွတ်မှုသင်္ကေတဖြစ်တဲ့ ငှက်မျိုးများစွာ ခွတ်ဒေါင်း၊ ဟင်္သာငှက်၊ ခိုငှက်၊ သိန်းစွန် ၊ ဂျိုးကြာ၊ ကျေး၊ ဂဠုန်တွေကို နိုင်ငံတော် တံဆိပ်၊ ဒင်္ဂါပြားတွေမှာ ခတ်နှိပ်ထားလိုက်ကြသေးတယ်။ ဟိုတယ်တောင် ရွှေလိပ်ပြာတဲ့လေ။

မရှိသည်ကို အရှိလုပ်လိုက်ခြင်းသည်ပင် အေဒင်ဥယျာဉ်ထဲက ပန်းသီးကို ခူးစားမိသလိုမျိုး (Sin) ၀ါ (ကိလေသ၀ဋ်) အပြစ်တစ်ခုကို ကျနော်တို့ လူသားများက လွန်ကျူးလာမိကြပြီ။ ကျိန်စာသင့်လူသားတွေ ဖြစ်ခဲ့ကြပြီ။ အဆုံးမရှိတဲ့ ၀င်္ကပါတစ်ခုထဲကို ကျနော်တို့ ၀င်ရောက် မိလျက်သားဖြစ်သွားခဲ့တာပေါ့။ မျိုးစေ့ကြောင့် အပင်၊ အပင်ကြောင့် မျိုးစေ့ ၊ မျိုးစေ့မှ အပင် အမျှင် မပြတ် ကြောင်းကျိုးစပ်၍ လည်ပတ်နေခဲ့ကြပြီ။

စကားလုံးတွေနဲ့ ဖော်ပြလို့မရကောင်းတဲ့ ကိလေသာနာမ်(လောဘ စတဲ့)တရားတွေကို သမုတိစကားလုံးတွေနဲ့ မီးထွက်အောင် ပွတ်လာခဲ့ကြတဲ့တွက် သီချင်း၊ ရတု၊ ရကန်၊ တေး၊ ကဗျာ၊ ရော့ခ်၊ ပန့်ခ်၊ ဟစ်ဟော့ တွေက ဆက်တိုက်လောင်မြိုက်လို့ ထွက်ပေါ်လာခဲကြပြီ။ ၀ဋ်ကြွေးတစ်ခုကို မျိုးဆက်အလိုက် သီချင်း၊ ကဗျာ၊ စာပေ၊ ဂီတ၊ရတု၊ ရကန်တွေနဲ့ အကြွေးဆပ်ရင်း အချိန်တွေကို ငါတို့ စောင့်စားခဲ့ကြပြီ။ မရှိတဲ့အချိန်တွေကို ကုန်လွန်သွားတယ်လို့ မှတ်ထင်နေကြပြီး လမ်းဆုံမှာ အချိန်ကို စောင့်စားခဲ့ကြတာလဲ ရွေ့လျားနေတဲ့လမ်းလျှောက်စက်ပေါ်မှာ ရောက်နိုး ရောက်နိုးနဲ့ မမောမပမ်းလျှောက်ခဲ့လှမ်းခဲ့တာနဲ့ တူနေပါပြီ။

ရေ၊ ရေခဲ၊ ရေခိုး၊ မြူနှင်းတွေရဲ့ ပြောင်းလဲမှု( Interaction of Changing) သဘာဝအမှန်ကို မသိခဲ့လေတော့ “ ယနေ့ အကြွေးမရောင်းပါ” စာတန်းက အကြွေးဝယ်သူတွေကို ရပ်တန့်လို့ ရနိုင်ခဲ့ပြီ။ ယနေ့ပေါင်းမြောက်များစွားထဲက တစ်ခုသောယနေ့ထဲမှာ ငါအိပ်ပျော်နေခဲ့ပြီး ပြန်နိုးလာတော့လဲ ယနေ့ပဲ ပြန်ဖြစ်နေခဲ့တယ်။ အရှိနဲ့အသိ လိုင်းမမိလို့ ကွန်နက်ရှင်တွေ အကြိမ်အကြိမ် လှုပ်ခါလို့နေပါပြီ (it is unbalanced the connectivity of mind and matter)။ငါလမ်းလျှောက်အခါ သာနေတဲ့ လမင်းကြီးကပါ ငါ့နဲ့အတူ လိုက်ပါနေတယ်လို့ ထင်ထားခဲ့တဲ့ ကလေးအတွေးတွေကို စွန်ပစ်လိုက်ဖို့ အချိန်ကာလနဲ့နေရာဒေသတို့ရဲ့ အပြင်ဘက်က တစ်နေရာရာဆီကို ခဏတာလေး ထွက်ပြေးနေချင်မိပါတယ်။

ဝိသုဒ္ဓိမဂ်၊ဒုတိယပိုင်း၊ ပိုဒ်ရေ( ၆၈၉ )မှာ ဒီလိုပြောထားပါတယ်။
Ditthi bandhanabaddhaa te, Tanhnaasotena vuyhare;
Tnnhaasotena vuyhantaa , na te dukkhaa pamuccare;
(Visuddhimagga-vol-II. P.517)
ဆိုလိုချက်။ ။
အယူအဆ(ဒိဋ္ဌိ၊၆၂)တွေနဲ့ ချဉ်နှောင်ခံထားရတဲ့သူတွေဟာ တဏှာလျဉ်ကြော နစ်မျောကြ၏။ တဏှာလျဉ်ကြော နစ်မျောရသူတို့အတွက့် ၀ဋ်ဆင်းရဲဒုက္ခမှ လွတ်မြောက်မှု အမှန်မရနိုင်ကြပါ။

မှတ်ချက်။ ။Time and Space from the Point Of Ultimate Truth မှခံစားတင်ပြထားပါသည်။

ဟေတီနိုင်ငံသားများနှင့် ကုလ၀န်းထမ်းများအတွက် ၀မ်းနည်းကြောင်း သ၀ဏ်လွှာ

ကျနော်တို့ ( မြန်မာ)နိုင်ငံဟာ ၂၀၀၈ မေလက တိုက်ခတ်ခဲ့သည့် နာဂစ်မုန်တိုင်း သာဘာဝဘေးဒဏ်ကြောင့်အသက်ပေါင်းသိန်းချီသေကျေခဲ့ကြရပါသည်။အသက်မဲ့ရုပ်ဝတ္ထုများစွာပျက်စီးဆုံရှုံးခဲ့ကြရပါသည်။ အထူးသဖြင့် စိတ်ရောဂါဝေဒနာဒုက္ခသည် များစွာ ကျန်ရစ်ခဲ့ကြပါသည်။
မဆည်နိုင်တဲ့ မျက်ရည်တွေနဲ့ အတူ အထီးကျန်ဆန်စွာ မှုန်းဝါးဝါးမြင်ကွင်းတွေကြားတွင် ထမင်းတစ်လုပ် ရေတစ်မှုန့်အတွက် ကယ်သူမယ့်ကို မျှော်လင့်စောင့်စားခဲ့ကြရပါသည်။ ယခုတိုင်အောင် ကိုယ်တိုင်ကြုံတွေ့သူများက မျက်နှာငယ်ဘ၀နှင့်အသံတိတ်ကြေကွဲ ငိုကြွေးနေကြဆဲပင်ဖြစ်ပါသည်။ကျနော်တို့ကမ္ဘာ့မိသားစုများအတူအားထားရှုရှိုက်ခဲ့သောလေသည်ပင် ကျနော်တို့ကို ဘေးသင့်စေခဲ့ပြီ။

ထိုအချိန်က ကိုယ်တွေ့ကြုံတွေ့သူ ကျန်ရစ်သူ မိသားစုများရော ၊ ဆက်နွယ်ပတ်သက်သူ ကရုဏာ မေတ္တာရှင်ကမ္ဘာ့မိသားစုများပါ ၀မ်းနည်းပူဆွေးမှုများတွေနှင့်အတူ ကိုယ်စီဆိုင်ရာ ထုံးတမ်းအစဉ်အလာအရ စိတ်ဓာတ်အား(Spiritual Development) ဖြင့် ဆုတောင်း၊ အမျှအတမ်း ပေးဝေခဲ့ကြပါတယ်။ မေတ္တာ ပို့ပေးခဲ့ကြပါသည်။ ကျနော်တို့ သံဃာတော်များကလည်း ကိုယ်အားရော၊ စိတ်အားပါ သွားရောက်လှူဒါန်းကူညီခဲ့ကြပါသည်။

ကျနော်တို့လိုထပ်တူထပ်မျှ စာနာသနားကြတဲ့ ဤကမ္ဘာမြေပေါ်( အင်္ဂါဂြိုလ်နှင့် လကမ္ဘာမပါ :P) အတူနေထိုင်ကြတဲ့ အခြားကမ္ဘာ့မိသားစုဝင်တွေများကပို့ပေးသော မေတ္တာ၊ကရုဏာတိုကို ကျနော်တို့က ၀မ်းသာပီတိမျက်ရည်ဖြင့် မမြင်နိုင်တဲ့ သ၀ဏ်လွှာဖြင့် တုံ့ပြန်ခဲ့ကြပါသည်။ လှိုက်လှိုက်လှဲလှဲ ၀မ်းမြောက်ကြည်နုး၍ မကြားနိုင်သောစကားလုံးဖြင့် ကျေးဇူးတင်ခဲ့ကြပါသည်။ ကျနော်တိုဆီကို ကိုယ်တိုင်လာရောက်၍ သုံးဆောင်စရာပစ္စည်းများဖြင့် (Material Development) ကိုယ်အားဖြင့် အကူအညီပေးခဲ့ကြပါသည်။

ဆက်လက်၍ ယခုအခါ ဇန်န၀ါရီ ၁၂ ရက်၊ ညနေ ၅ နာရီအချိန်တွင် လှုပ်ခတ်ခဲ့သော ငလျင်ကြောင့် ဟေတီနိုင်ငံ၊ ပို့အော်ပရင့်တစ်မြို့လုံးပျက်စီးသွားပါသည်။ အသက်ပေါင်းများစွာ ဆုံးရှုံးခဲ့ကြပါသည်။ ကျနော်တို့ကမ္ဘာ့မိသားစု အတူမှီခိုရပ်တည်ရာ မြေကြီးသည်ပင် ဟေတီနိုင်ငံသားတို့ကို ဘေးသင့်စေခဲ့ပြီ။


ဟေတီနိုင်သားများသည် ကျနော်၏တစ်အူထုံးဆင်းညီအကိုရင်းများပမာ၊ မဟာပထ၀ီမြေကြီးပေါ်တွင်မွေးချင်းတူများဖြစ်သည်ဟု (မာတာယထာ နိယံပုတ္တ မာယုသာ ဧကပုတ္တ မာနုရက္ခေ) ဟုမှတ်ယူပါသည်။ ကျနော်တို့လည်း ကမ္ဘာကြီးပေါ်မှာမွေးဖွားတဲ့ လူသားတစ်ယောက်ဖြစ်၍ ကမ္ဘာ့ရေထု၊ လေထုကို အတူသောက်သုံးစွဲသူမိသားစုတွင် ကျနော်တို့လည်းပါဝင်ကြပါသည်။ ကမ္ဘာ့မိသားစု (Global-Family) တွင် ကျနော်တို့်လဲ လူသားစိတ်ရှိသော (မနုဿတ္တဘာဝ-Humanity) လူသားဖြစ်သည့်အတွက် မိသားစုဝင်တစ်ယောက် ဒုက္ခရောက်နေခြင်းသည် မိသားစုဝင်တိုင်းတွင် တာဝန်မကင်းဟုမှတ်ယူကြပါသည်။
ကမ္ဘာကြီးကျန်မာရေးမကောင်းလျှင် ကျနော်တို့်လည်း အိပ်မပျော်နိုင်ခဲ့ကြပါ။ ဥပမာအားဖြင့် ကမ္ဘာလေထုကို အတူသုံးစွဲကြတဲ့အတွက် ငှက်တုပ်ကွေးကူးစက်ရောဂါကြောင့် တစ်ကမ္ဘာ(အိမ်)လုံးနှင့်သက်ဆိုင်နေသဖြင့်အိပ်မရခဲ့ခြင်းဖြစ်ပါသည်။ကျနော်တို့(မြန်မာနိုင်ငံ်)အိမ်တွင်ပင် မာစ်(Mask) မလောက်ငှ၍ ပြဿနာဖြစ်ခဲ့ရပါသည်။ ကျနော်တို့ကလည်း ၀မ်းနည်းကြေကွဲမှုတွေနှင့်အတူ ကွယ်လွန်သွားခဲ့ကြသော ဟေတီ နိုင်ငံသူ နိုင်ငံသားအားလုံးလုံးတို့အား အမျှအတမ်း ပေးဝေလိုက်ပါသည်။ ရောက်ရာဘုံဘ၀က ဝေသောအမျှကို သာဓုခေါ်ဆိုနိုင်ကြပါစေ။
ကျန်ရစ်သူမိသားစုများလည်း စိတ်ဆင်းရဲခြင်းဒုက္ခဘေး၊သောကဘေးမှ ကင်းဝေးစေရန် မေတ္တာပို့သပေးလိုက်ပါသည်။ ငလျင်ဘေးဒဏ်ခံရသော ဟေတီမိသာစုဝင်များနှင့် ကုလ၀န်ထမ်းများအတွက် ကျန်ရစ်သူမိသားစုများနှင့်ထပ်တူထပ်မျှ ၀မ်းနည်းပါကြောင်း ထိုင်းနိုင်ငံရောက် ကျနော်တို့ကျောင်းသားရဟန်းတော်များကလည်း သ၀ဏ်လွှာပေးပို့ပါကြောင်း ဟေတီးနိုင်ငံသူ နိုင်ငံသားများနှင့် ကုလအဖွဲ့ဝင်အပေါင်းတို့


ရည်ညွန်းချက်။ ။
ကျနော်တို့၏ ဆရာဗုဒ္ဓက မေတ္တသုတ်တွင် (ဘာသာမခွဲခြား)သတ္တ၀ါအားလုံးတို့အပေါ်တွင် ကျင့်ကြံဖို့ ဟောပြောထားခဲ့ပါသည်။

၁။ယေကေစိ ပါဏဘူတတ္ထိ၊ သတာ ၀ါ ထာဝရာဝ န၀သေသာ။
ဒီဃာ ၀ါ ယေ၀ အဒိဋ္ဌာ ၊ ယေ၀ ဒူရေ ၀သန္တိ အ၀ိဒူရေ။

၂။မာတာယထာ နိယံပုတ္တ ၊ မာယုသာ ဧကပုတ္တမာနုရက္ခေ။
ဧ၀မ္ပိ သဗ္ဗဘူတေသု၊ မာနသံ ဘာဝယေ အပရိမာနံ။

၃။ဒုက္ခပတ္တာ စ နိဒုက္ခာ ၊ ဘယပတ္တာ စ နိဗ္ဘယာ။
သောကပတ္တာစ နိသောကာ၊ ဟောန္တု သဗ္ဗေပိ ပါဏိနော။