Thursday, December 31, 2009

နှစ်ဟောင်း(ဘင်) ကို နှုတ်ခွန်းဆက်သ၍ နှစ်သစ်(ဥပါဒ်) ကို ကြိုဆိုလိုက်ကြစို့လား

နှစ်ဟောင်းကုန်လို့ နှစ်သစ်ကို ကူးပြောင်းလို့ ရောက်လာခဲ့ပြန်ပြီ။ အဟောင်းအကုန် အသစ်အကူး နှစ်သစ်ကူးအခါသမယမှာ ဒါန သီလ ဘာဝနာကုသိုလ်ကံအသစ်တွေနဲ့အတူ ထိုင်းနိုင်ငံရောက် မြန်မာပြည်သားများအပါအ၀င် ကမ္ဘာ့ဘာသာပေါင်းစုံကို မင်္ဂလာရှိတဲ့ နှစ်သစ်မှာ ကိုယ်ရောစိတ်ပါ ကျန်းမာချမ်းသာကြပါစေ၊ကောင်းကံအသစ်များများပြုနိုင်ကြပါစေလို့ဦးစွာပဏာမနှုတ်ခွန်းဆက်သလိုက်ပါသည်။

ဗုဒ္ဓဘာသာဝင်များနည်းတူပဲ အခြားသောဘာသာဝင်အပေါင်းတို့ကလည်း မိမိတို့ဆိုင်ရာ ယဉ်ကျေးမှုထုံးတမ်းအစဉ်အလာအရ ကံအသစ်ဖြစ်တဲ့ သက်ကြီးပူဇော်ပွဲ၊ အသက်လွှတ်ဘေးမဲ့ပေးပွဲ ၊ ပေးကမ်းစွန်ကျဲပွဲ၊မိဘတွေကိုကတော့တဲ့ပွဲစတဲ့ကောင်းမွန်တဲ့အစဉ်အလာကိုယ်စီနဲနှစ်သစ်ကိုကြိုဆိုကြပါလိမ့်မယ်လို့်ထင်ပါတယ်။

တကယ်တော့ အချိန်တွေဟာ တစ်စပ်တည်း မရပ်တန့်ဘဲ့  စက္ကန့်တိုင်း မီနစ်တိုင်း နာရီတိုင်းပြောင်းလဲနေကြပါတယ်။ တိုတောင်းတဲ့အချိန်က မထင်ရှားလှလေတော့ အချိန်ကြာပီး ရုပ်ဝတ္ထုများ ဖြစ်ပျက်တာ ထင်ရှားလှတဲ့ နှစ်တစ်နှစ်ကိုပဲ နှစ်ကူးပြီ ( အချိန်ကာလတစ်ခုပြောင်းလဲပြီ)လို့ လောကသမုတိအမှန်အနေဖြင့် ကူးပြောင်းတယ်လို့ သမုတ်လိုက်ကြပါတော့တယ်။

လူတွေ တစ်ဦးနဲ့ တစ်ဦး တွေ့လိုကြယင် တိုတောင်းတဲ့ စက္ကန့်တွေမှာ သတ်မှတ်၍ ချိန်းတွေ့ကြမယ်မဟုတ်ပါဘူး။ ဘာကြောင့်လဲဆိုတော့ အချိန်ကတိုတောင်းလှလွန်းတဲ့အတွက်ကြောင့်ပါပဲ။၊ ကာလတာရှည်တဲ့ နာရီ ၊ ရက်တွေမှာ ချိန်းဆိုကြတာများပါတယ်။ သို့ပေတည့် တစ်နှစ်ဆိုတာ တိုင်းတောင်းလှတဲ့ စက္ကန့်ကလေးတွေကိုစုစည်းထားတာပဲလို့ လောကလူအများကလက်ခံကြပီးသားပါပဲ။

သတိမမူလျှင် မြူတွေတောင်မှမြင်ဖို့ခက်ခဲလှပါတယ်။ ထိုနည်းတူပဲ သတိမမူခဲလျှင်အချိန်ရဲ့အခြေခံ ကာလတိုကိုလည်း မြင်နိုင်ခဲကြပါလိမ့်မယ်။

ဒါကြောင့် ဗုဒ္ဓက ဓမ္မပဒ ၊ အပ္ပမာဒ၀ဂ်မှာ ဒီလို ဟောထားခဲ့တာနေမှာပါပဲ။

အပ္ပမာဒေါ အမတံ ပဒံ၊ ပမာဒေါ မစ္စုနော ပဒံ။
အပ္ပမတ္တာ န မီယန္တိ၊ ယေ ပမတ္တာ ယထာ မတာ။( ဂါထာ ၂၁)

ဆိုလိုတာကတော့……

ရုပ်နာမ်သဘောတွေအပေါ်မှာ သတိမြဲစွာရှိနေတဲ့သူဟာ အသက်သေပေမယ့် အမြဲရှင်လျက်နေသူပဲတဲ့။
နာမ်ရုပ်တို့ရဲ့သဘောတွေအပေါ်မှာ မေ့မေ့လျော့လျော့ နေတဲ့သူဟာ အသက်ရှင်ပေမယ့် သေလျက်နေတဲ့သူပါပဲတဲ့။
ဒါဆို သတိမူခဲ့လျှင် မြူကိုပင် သင်မြင်နေရမှာပါပဲ ။ အဆိုင်အခဲတိုင်တာအအောက်အအုံကြီးတွေဆိုတာ အခြေခံ သဲပွင့်မြူမှုန်ကလေးတွေနဲ့ ဆင့်ကဲပြောင်းလဲတညဆောက်ထားတာပေါ့။ တစ်နှစ်ဆိုတာဟာလဲ အခြေခံ စက္ကန့်ကာလအတိုတွေကို ဆင့်ကဲ စုစည်းထားတာပေါ့။

ဓမ္မစကြာမှာတော့ အာလောကော ဥဒပါဒိ လို့ မှတ်ထားခဲ့ဖူးပါတယ်။ လောကကြီးက အလင်းစက်တွေပေါင်းစပ်ရာကနေ အဆိုင်အခဲ ပုံသဏ္ဍာန်တွေအထိဆင့်ကဲ ဖြစ်လာကြတာပါပဲ။

ဓာတ် အကြီးစား လေးမျိုး၊ ဓာတ် အငယ်စား (အဋ္ဌကလာပ်ရုပ်) ရှစ်မျိုးနဲ့ ဓာတ်တစ်ခုက ဦးဆောင် ကျန်ဓာတ်တွေ နောက်လိုက်ဖြစ်နေတဲ့အစုသဘောနဲ့ လောကကြီးက ပုံဏ္ဍာန်အမျိုးနဲ့ ချယ်လှယ်လာကြရင်း မူရင်းပြောက်သွားလောက်အောင် နာမည်တစ်ခုပေါ် နောက်နာမည်တစ်ခုနဲ့ဖုံးလွှမ်ပစ်လိုက်ကြပါတယ်။

သူဘာသာသူရှိနေတဲ့ အချိန်ကို စက္ကန့် ၊ မီနစ်၊ နာရီ၊ ရက်၊ လ၊ နှစ် တွေနဲ့ သေးငယ်ရာကနေ ကြီးမားလာတဲ့ အဆင့်ကို နာမည်ပညတ်တွေနဲ့ အဆင့်အဆင့်အစားထိုးပစ်လိုက်ကြတယ်လေ။ ဒါကြောင့်လူတွေဟာ နာရီရဲ့လွှမ်းမိုးမှုအောက်၊ အချိန်ရဲ့လွှမ်းမိုးအောက်မှာ နေ့စဉ်နဲ့မျှ မလွတ်မလပ်နဲ့ နစ်မွန်းနေကြရပါတယ်တဲ့။
ဦးနှောက်ထဲမှာ နာရီတွေကို ထည့်ထားမိကြတာလို့ပဲပေါ့။

အဘိဓမ္မာဝေါဟာရတွေမှာတော့ ရုပ်နာမ်တရားကတော့ ဥပါဒ် နဲ့ ဘင် ( ဥဒယဗ္ဗယ-ဖြစ်ပျက်) ပေါ့၊ ဘင်ဆိုတဲ့ အဟောင်းကာလကို ဥပါဒ်ဆိုတဲ့ အသစ်ကာလက အစားထိုး၍ ၀င်ပြောင်းပေးလိုက်တာပါပဲ။ ရှေးရှေးနာမ်ရုပ်အဟောင်း(အပျက်၊ဘင်ခဏ)ကိုစွန့်ခွာနှုတ်ခွန်းဆက်သ၍ နောက်နောက်နာမ်ရုပ်အသစ်(အဖြစ် ၊ဥပါဒ်ခဏ)အစားထိုး၍ ကြိုဆိုလိုက်ကြလိုက်တာပေါ့။

လူတွေဟာလဲ မီနစ်တိုင်း စက္ကန့်တိုင်း မွေးပြီးသေနေကြတာပါပဲ။ ခဏိက ဇာတိ ဇရာ မရဏလို့ ခေါ်ရမှာထင်ပါတယ်။ သို့ပေမယ့် ထင်းရှားလှတဲ့ ရုပ်ကိုယ်ကောင်အဆိုင်အခဲကြီး မိခင်ဝမ်းကနေမွေးလာတာကိုပဲ မွေးလာကြတယ်။ ဒီရုပ်ကိုယ်ကောင်ကြီး အသက်ထွက်၍ သေသွားတာကိုပဲ သေဆုံးတယ်လို့ ထင်းရှားတဲ့ (ဇာတိ ဇရာ မရဏ) ဘ၀တစ်ခု သေပြီးမွေးတယ်ဆိုတာ သက်မှတ်ကြတာများပါတယ်။

ဓမ္မရဲ့အနှစ်သာရကတော့ အချိန်ကာလနဲ့ နေရာဌာနတို့ရဲ့အလွန်မှာရှိပါတယ်( True Dhamma exists beyond Time and space)။ ဓမ္မရဲ့ အနှစ်ကို ရထားပြီးတဲ့ ဗုဒ္ဓကို အဂုင်္လိမာလက “ ရဟန်းကြီး ရပ်ပါတော့၊ ငါ့ကိုကြောက်၍ မပြေးပါနဲ့” တဲ့။ ဗုဒ္ဓကတော့ အဂုင်္လိမာလကို ဒီလိုပြန်ပြောလိုက်တယ်။ “အမောင် ဟိံသက ၊ ငါက ရပ်နေပါတယ်။ သင်ကသာ ပြေနေတဲ့သူပါ”ဲတဲ့။ တကယ်တော့ ဗုဒ္ဓက အချိန်ကာလနဲ့ နေရာဌာနကို ကျော်လွန်ခဲ့ပြီးတဲ့သူဖြစ်လို့ ဒီစကားကို ပြောလိုက်တာပါပဲ။ ကျွန်ုပ်တို့ ပုထုဇဉ်လောကလူသားတွေမှာတော့ အချိန်ကာလနဲ့ နေရာဌာနတွေကို ကျော်လွှားဖို့ ကြိုးစားနေကြရင်း ပြေးလွှားနေကြတုန်း ဟော.. နှစ်သစ်တစ်ခုကိုတောင် ရောက်လာပြန်ပြီပါကောလား။

နှစ်သစ်မှာ မင်္ဂလာသုခအပေါင်းနှင့် ငြိမ်းချမ်း ပြည့်စုံကြပါစေလို့ မေတ္တာပို့သလိုက်ပါသည် အားလုံးသော ကမ္ဘာသူကမ္ဘာသားအပေါင်းတို့…………………


Monday, December 7, 2009

နားလည်ပေးပါတယ် လောကဓမ်ရယ်....


လောကမှာ အကောင်းလေးမျိုး အဆိုးလေးမျိုးနဲ့ နေ့စဉ်လည်ပတ်အစားထိုးကာရှာဖွေနေကြတာဟာ (လောကဓမ္မ=) လောကဓမ်ပါပဲတဲ့။ လောကဓမ်ရှစ်မျိုးရှိတယ်ဆိုတာလဲ လူတိုင်းသိကြမယ်ထင်ပါတယ်။ လူအများက အဓိပ္ပါယ်ကောက်မှားလို့ ဆင်းရဲတာ၊ မကောင်းတာခံစားနေရတာကိုပဲ လောကဓမ်လို့ထင်ခဲ့ကြပါတယ်။ မြန်မာစကားမှာ ဖွင့်ဆိုမှု မှားခဲ့တဲ့စကားလုံးတွေက ခပ်များများပဲမဟုတ်ပါလား။ ဥပေက္ခာကို လစ်လျူရှုတယ် ဆိုတဲ့စကားလုံးမျိုးတွေနဲ့ အဓိပ္ပါယ်ဖွင့်ခဲ့သလိုမျိုးပေါ့။ လောကဓမ်ကို ဆက်ပြောရယင်တော့ဖြင့် ရှစ်မျိုးရှိပါတယ်။

၁။ လာဘ- လာဘ်ရခြင်း
၂။ အလာဘ- လာဘ်မရခြင်း
၃။ ယသ- အခြံအရံပေါခြင်း
၎။ အယသ- အခြံအရံမဲ့ခြင်း
၅။ နိန္န - ကဲ့ရဲခံရခြင်း
၆။ ပသံသ- ချီးမွမ်းခံရခြင်း
၇။ သုခ- ချမ်းသာခြင်း
၈။ ဒုက္ခ- ဆင်းရဲခြင်း


ကောင်းတာလေးမျိုး၊ မကောင်းတာလေးမျိုး ၊ပေါင်းတော့ ရှစ်မျိုးရှိပါတယ်။ အဓိပ္ပါယ်ကောက်ယူတာမှားလာခဲ့ကြတော့ မကောင်းတာနဲ့ဆင်းရဲတာကိုပဲ လောကဓမ်လို့ မြန်မာလူမျိုးတို့ရဲ့စိတ်ထဲမှာ ရှိနေကြတယ်။ အဲဒီရှစ်မျိုးကိုပဲ တစ်ခုနဲ့ တစ်ခု အစားထိုး ပြောင်းလဲပေးခြင်းဖြင့် နေ့ ၊ ရက်၊ လ၊ နှစ် တွေကို မိမိရဲ့အသက်နဲ့ ပေါင်း၊ မြှောက်၊ စား လာကြတယ်။ ဒါနဲ့ အသက်ကြီးလာကြပြီး ဘ၀ဟောင်းတစ်ခု ရပ်တန့်ကာ နောက်ဘ၀သစ်တစ်ခုဆိုတဲ့ သစ်ပင်တစ်ပင်ကို စတင်စိုက်ပျိုးလာကြရတော့တယ်။ မဇ္ဈိမပဋိပဒါ အလယ်လမ်းစဉ်ဆိုတာ ကောင်းလေပါး အစွန်းတစ်ဖက်ကိုလည်းမကပ်ညိ၊ မကောင်းလေးပါး အစွန်းတစ်ဖက်ကိုလည်း မကပ်ညိတာ မျိုးကိုဆိုလိုတာဖြစ်ကြောင်းပါ။ နေ့စဉ်လူသားများကတော့ ဟိုဘက်အစွန်းကိုရော ဒီဘက်အစွန်းကိုပါ ကပ်ညိပီး အမှန်မသိမှု မောဟနဲ့ အစားထိုး လျစ်လျုပစ်နေကြပါတယ်( Objects are replaced by ignorance )။ မောဟနဲ့ ချေဖျက်တယ်ဆိုတာကတော့ ရှေ့အာရုံဟောင်းတစ်ခုကို နောက်အာရုံအသစ်တစ်ခုနဲ့အစားထိုးလျက် လျစ်လျူရှုလျက်သယ်လာတာကို ဆိုလိုတာပါပဲ။ ဘုရားကတော့ ဥပမာလွယ်လွယ်နဲ့ ထင်ရှားအောင် လျောင်း ၊ထိုင်၊ ရပ်၊ သွား ဆိုတဲ့ အိရိယာပုဒ်လေးပါးအာရုံကို သတိလက်လွတ်ကာ တစ်ခုနဲ့ တစ်ခုအပြောင်းလဲလုပ်နေတာရဲ့အစပ်( ဥပမာ-အထိုင်နဲ့ အထ)မှာ မသိခြင်းမျိုးပဲဟေလို့ ပြောခဲ့တာပါ။ ဒါကြောင့်ပဲ ဗုဒ္ဓက အကျဉ်းချုံးစကား လျောင်း၊ ထိုင် ၊ ရပ်၊သွား လေးပါးအိရိယာပုထ်(=၀ိဟရတိ) မမေ့အလျော့ မပေါ့အဆ သတိရှိရှိ နေရစ်ခဲ့ကြလော့ ချစ်သားတို့(=အပ္ပဒေန သမ္ပာဒေထ) နောက်ဆုံးစကား မိန့်ထားခဲ့တာမှာပါပဲ။ လူတွေဟာ ပြင်ပအာရုံချမ်းသာတာဟာ ငါတကယ်ချမ်းသာတာပဲလို့ သညာနဲ့ မှတ်ထင်ပီး နေ့စဉ်အစားထိုးတောက်လျှောက်လိုက်နေကြပါတယ်။ ဒါကြောင့် လိုက်လေလေ မောလေလေဖြစ်ပီး ပျော်ရွှင်ငြိမ်းချမ်းမှုတွေ ဝေးသထက် ဝေးဝေးလာ လေလေပါပဲတဲ့။ တံလျပ်ကို ရေထင် ရွှေသမင် အလိုက်မှားခဲ့ပီပေါ့။

ပုံစံပြောင်းလွှဲပြီးသယ်ယူလာတဲ့အတွက် အမှန်တရားတစ်ခုကို လူသားတွေက ရှာဖွေလို့မရခဲ့တာဖြစ်မယ်ထင်ပါတယ်။ တံလျပ်ဆိုတဲ့စကားလုံးက တံ = ရေ၊ လျပ်= အရိပ်အရောင် (အငွေ့) လို့ပြောရမယ်ထင်ပါတယ်။ နေပူအရှိန်ကြောင့် တရိပ်ရိပ်ထနေတဲ့ တံလျပ်ဟာ တကယ်တော့ ရေအစစ်တော့မဟုတ်ပါဘူး။ သို့သော်ငြားလည်း ရေကိုဆာလောင်မွတ်သိပ်လှသည့် သညာသိ ရွှေသမင်လေးအဖို့မှာတော့ သောက်ရလိုက်ယင်တော့ အမောပြေစေမည့်ရေ လို့ထင်နေပါတယ်။

လူသားတွေဟာလဲ အတွင်းက လောဘ၊ ဒေါသ၊ မောဟမီး အငွေ့တွေ့က လောင်ကျွမ်းစရာ မြင်တွေ့နေရတဲ့ အာရုံတွေကို အစစ်အမှန် သုခပဲလို့ အထင်ရောက်ပြီး နေ့စဉ်လိုက်လံရှာဖွေလျက်လောင်ကျွမ်းပစ်ကြပါတယ်။ ရွှေသမင် တံလျပ်ကို ရေထင်သလိုမျိုးပဲပေါ့။ တကယ်တော့ အပြင်မှာ နေ့စဉ်နဲ့အမျှရှာဖွေနေတဲ့အရာတွေဟာ လောဘ၊ ဒေါသ၊ မောဟမီးတွေနဲ့ အငွေ့ပျံ အလင်းတိုက်စားလို့ နေစဉ်ရှာဖွေလာသမျှအာရုံတွေဟာ ၀သွားတယ်။ အားရသွားတယ်ဆိုတာ မရှိပါဘူး။ ဒီလိုအာရုံမီးစာကို အာရမ္မဏိကကိလေသာလောင်ကျွမ်းလိုက်တာကိုတော့ သတိမမူလျင် မြူ(မီးအငွေ့)ကိုပင် မမြင်စွမ်းနိုင်တာဟာ မောဟရဲ့လက်ချက်ကြောင့်ပါပဲတဲ့။

လယ်တီဆရာတော်ဘုရားကလည်း လူအများ ငါးပါးအာရုံမှာ ရှေ့အာရုံတစ်ခုကို နောက်အာရုံတစ်ခုနဲ့ နေ့စဉ်အစားထိုးလျက် နစ်မျောနေတဲ့ သဘောမျိုးကို သံဝေဂတေးထပ်နဲ့ရေးပြတော်မူခဲ့ပါတယ်။

“ငါးအာရုံ ဘင်အစု၊ ခင်မှုနဲ့ နေ့အကုန်၊
နင်ယခု မေ့ပုံလို ၊ တွေ့မကြုံစခမ်း၊
ပယ်လေးဝ သောကဘုံမှာ ၊ မျောရယုံရှိတော့ ခမန်း။
အော်အ၀ီစိ သောင်းအငူမှာ ခေါင်းမပြူစတမ်း၊
နှစ်အရှည်နစ်မည်လမ်းကိုလ ၊ နင်မျှော်စမ်းနင့်ကို၊
ဒေသနာထင်အလင်းရယ်နဲ့ နင့်အဖျင်းပိုထက်သာပို၊
သည်လောဘစရိုက်အိုကို ..............”
စသည်ဖြင့် နောင်လာနောက်သားတပည့်များအတွက် သတိသံဝေဂ ရရှိရန် ရေးစပ်ကုံးခဲ့သည် မဟုတ်ပါလား။

အော်....တကယ်တော့လဲ လောကဓမ်ဆိုတာ ကောင်းကောင်း ဆိုးဆိုး နှစ်မျိုးစလုံးကို ဆိုလိုတာပါပဲ။ အဲဒီနှစ်မျိုး ကြုံတွေ့လာယင် စိတ်ဓာတ်ယိမ်းယိုင်မသွားအောင် ထိန်းသိမ်းထားနိုင်တဲ့ ပဇ္ဈိမပဋိပါဒါ အစွန်းနှစ်ဖက်ကင်းတဲ့ အလယ်လမ်းစဉ် ဖြစ်တဲ့ ကောင်းကောင်း ဆိုးဆိုး တုန်လှုပ်ခြင်း မရှိဘူး( ဖုဋ္ဌဿ လောကဓမ္မေဟိ၊ စိတ္တံ ယဿ နကမ္ပတိ ) ဆိုတာ ဒီလိုမျိုးအဓိပ္ပါယ်တွေပြည့်ဝနေပါလိမ့်မယ်လို့ တွေးတောပြီးတွေးတောနေမိရင်း.........



Wednesday, November 25, 2009

ဘာကြောင့် လူတွေ ရွေ စိန် ကို ၀တ်ဆင် ရသလဲ



ကမ္ဘာစဖြစ်တည်ကတည်းက ရုပ်ဝတ်ထုသက်တမ်း အနုအရင့်ကို တွက်ကြည်ယင်တော့ ရတုတွေ လုပ်လာခဲ့တဲ့ မြန်မာ့ယဉ်ကျေးမှုကို ပြန်တွေးကြည့်ရမယ်ထင်ပါတယ်။ ငွေရတု၊ ရွှေရတု၊ စိန်ရတု၊ပတ္တမြားရတုတဲ့လေ။

ကမ္ဘာဦးကစတင်ပြီး လူတွေက သက်သမ်း အနုအရင့်ကိုလိုက်ကာ ၀တ်ဆင်လာကြပါတယ်။ ကမ္ဘာမှာ ပဌမဆုံး စတင်ဖြစ်တာက မြေကြီးပါပဲ။ မြေကြီးတွေကြာလာတော့ ကျောက်ခဲ့ဖြစ်လာတယ်။ ကျောက်ခဲတွေကြာလာတော့
သံဖြစ်လာတယ်။ သံကြာလာတော့ ကြေးဖြစ်လာတယ်။ ကြေးကြာလာတော့ ငွေဖြစ်တယ်တယ်။ စိန်ဖြစ်လာတယ်။ ကမ္ဘာတည်စကတည်းက မာကြောတဲ့အရာဝတ်ထုဆိုတာ မြေကြီး ပါပဲတဲ့။ အဲဒီမြေကြီးဟာ အဆီးခဲဖြစ်နေသတဲ့။ နောက်ကြာသထက်ကြာလာတော့မှ ...
ပတ္တမြားဖြစ်လာတယ်။ ဒါက သက်တမ်းအနု အရင့်ပေါ်မှာမူတည်ပြီး ဒီဓာတ်ပေါ်မှာ အမှီယူလို့ရအောင် ( ဓာတ်ကူးယူ) ကြတာပါပဲ။ အဲဒါကို အမှတ်မှားကြပြီး ရွှေ ၊ ငွေ တွေ အပေါ်မှာ တပ်မက်စရာလို့ ယူဆလာကြတယ်။
သတ်မှတ်တဲ့ချက်တန်ဖိုးအပေါ်မှာ သမုတိ ချက် လုလာကြတယ်။ ကြွားစရာအဖြစ်ယူဆလာကြတယ်။
အခုခေတ်မှာတော့ ကား၊ မိုဘိုင်းဖုန်း၊ ဇိမ်ခံပစ္စည်းတွေ ကို အနောက်တိုင်းက တန်ဖိုးဖြတ်ချက်အပေါ်မှာမူတည်
ပြီး ဒါသည်ပင်လျင် တကယ်အမှန်ပဲလို့ယူဆလာကြတယ်။ တကယ်တော့ သမုတိအမှန်လောက်မျှသာဖြစ်ပါတယ်။ သမုတိသစ္စာက ၀ိပလ္လာသနဲ့ ချယ်လှယ်လေတော့ စိတ်ထဲက ရောင်ပြန်ဟတ်လာတာပေါ့။

လူတွေက ပိုက်ဆံကို ထုတ်လုပ်ပါတယ်။ ပိုက်ဆံမတိုင်ခင်ကတော့ ကုန်ပစ္စည်းချင်းဖလှယ်လာခဲ့ကြတယ်။ လူတွေကိုတိုင်ထုတ်ထားတဲ့ ပိုက်ဆံကပဲ လူတွေ ဒုက္ခပြန်ပေးနေတယ်။ ပိုက်ပိုက်ရှာလိုက်တာ လင့်ဟာသွားတဲ့ တကယ့်ပျော်ရွှင်မှုတွေကိုတောင် လူတွေမှာ မရလာရှာကြတော့ပါဘူး။ ( ဆက်ပါအုံးမယ်)



Tuesday, November 17, 2009

သတိမမူ ဂူမမြင်၊ သတိမူလျင် မြူကိုပင် မြင်နိုင်ပါသည်


( အုတ်တချပ် သဲတပွင့်)
ကမ္ဘာကြီးက အနုမြူကနေ စတင်ပြီး အနုမြူမှာတင်ပြန်ဆုံးပါတယ်။ အုတ်တချပ် သဲတစ်ပွင့်ဆိုတဲ့ စကားလေးကို ရှင်းလင်းကြပါစို့၊ မြို့ကြီးပြကြီးတွေမှာမြင်နေကြရတဲ့
မိုးတိမ်မကမြင့်မားလှတဲ့ အဆောက်အဦးတွေက ဘယ်ကနေစတာလဲပေါ့။ အုတ်ချပ်တစ်ခုချင်းစီတွေကို စီကာစဉ်ကာ ထပ်ပြီး ပေါင်းထားလို့ ဒီလိုအဆောက်အအုံတွေဖြစ်လာတာပေါ့။ အုတ်ချပ်ကလဲ သဲတွေကို ပေါင်းစဉ်းထားလို့ အုပ်ချပ်တွေဖြစ်လာတာဖြစ်တယ်။ အငယ်ဆုံးသဲတစ်ပွင့်ချင်းကနေ အုတ်တစ်ချပ်ဖြစ်လာတယ်။ အုတ်တစ်ချပ်ကနေ ပေါင်းလိုက်တော့ ကြီးမာတဲ့ အဆောက်အအုံတွေဖြစ်လာတယ်။ ကြီးမားတဲ့ အဆောက်အအုံတွေပျက်စီးသွားပြန်တော့ ဆိုင်ကယ်လင်း စစ်တမ်( cycling system) အရ မြေမှုန့်သဲမှုန့်ပြန်ဖြစ်သွားတာပေါ့ဗျာ။ လူသားတွေရဲ ခန်ဓာကိုယ်ဟာလဲ အငွေ့လိုမျိုး (ရုပ်ဓာတ်ငွေ့) အမှုန်တွေကနေ စတင်ထားတာဖြစ်ပါတယ်။ အဲဒီငွေတွေကလဲ နာရီး မီနစ်စက္ကန့် မလပ် ငွေ့ငွေ့နဲ့ အလင်းတိုင်းစားပြီး ပျက်စီးနေတာပါပဲ။ အဲဒါကိုပဲ အနိစ္စလို့ ပြောတယ်ထင်ပါတယ်။ အငွေ့တွေထွက်တာထင်ရှားတာကတော့ ပထမလူတစ်ယောက်ရေချိုးပီးထွက်လာတဲ့ရေချိုးခန်းကို နောက်လူ ( သင်ဖြစ်နေခဲ့ယင်)သင်ဝင်သွားခဲ့ယင် ရေချိုးခန်းကပူနေတာကို သင်ခံစားမိမှာပါ။ အဲဒါဟာ (အရင်လူက) သူ့ခန်ဓာထဲက ရုပ်ဓာတ်အမှုန်အမွားတွေလွင့်စင်ပီး ( အလင်းပျံကာ ပျက်စီးနေတယ်ဆိုတဲ့ သက်သေပဲပေါ့ဗျာ။ )ဒါကြောင့် လူတွေက အိုမင်းလာတဲ့ သဘော(သန္တတိဇာတိ ဇရာ မရဏ)ဖြစ်လာရပါတယ်။ ရက် ၊ လ ၊ နှစ်တွေ ကြာလာတော့ ပုံစံတွေပြောင်းလဲလာတာဖြစ်တယ်။ ရှင်းရှင်းပြောရယင် ရုပ်ဓာတ်တွေကုန်ဆုံးနေတယ်လို့ ပြောတာပေါ့ဗျာ။ အဲဒီ လိုပဲ နာမ်ဓာတ်ဟာလဲ ပြောင်းလဲ ကြွေလွင့်နေတာပါပဲပေါ့။
အနှစ်ချုပ်ကြည့်တော့ လူဆိုတာ ရုပ်ဓာတ် နဲ့ နာမ်ဓာတ်နှစ်ခုကို ပေါင်းထားတဲ့ သတ္တ၀ါ တစ်ကောင်ပါပဲလားဗျာ။

Friday, October 9, 2009

MANORANGONBARUA. PASSPORT NO.B.1677789
FATHER NAME; MIMANDARA BARUA, BIRTH OF DATE 05.08.1982
PASSPORT EXPIRES 25-04-2013
RESIDENCE.WATNANTIKARAM. 3/2 LAONADEE ROAD,MAUNG DISRIC, KHONKEAN PROVINCE,40000.THAILAND

STUDENT CODE 520518025 -
1.MATHER NAME. PATALI BALA

Monday, September 28, 2009

ငါတို့နေရာ ဤမြေကမ္ဘာ .....


ကိုယ့်တို့ ရွာအကြောင်းပြောတော့မယ်ဆိုယင် တောတွေပြုန်းတီးပြီး ရွာသားတွေ စိုက်တဲ့ သီးနှံတွေက တစ်နှစ်ထက်တစ်နှစ် အပူရှိမြင့်တက်လာလို့ သဘာဝအတိုင်း ဓာတ်မြေသြဇာမပါဘဲ အသီးအထွက်လျော့လာတာကို သတိထားမိပါတယ်။ လောလောဆယ် ကုလသမဂ္ဂမှာလည်း တောပြုန်တီးတာနဲ့ ကမ္ဘာကြီးပူနွေးလာမှု ဆိုတဲ့ ကောင်းစဉ်တွေနဲ့ပဲ ကမ္ဘာ့ထိပ်တန်းဆွေးနွေးမှုလုပ်လာတာတွေ့နေရတယ်။သူတို့ကတော့ ရောင်စုံမီးတွေအောက်မှာ ခန်းနားကြီးကျယ်စွာနဲ့ဆွေးနွေကြနေကြတာပေါ့။ တို့ကတော့ ရွာမှာ ဖယောင်းတိုင်မီးနဲ့ပဲ လူတွေစုံတုန်း တောင်ယာခုတ်လို့ တောပြုန်းတီးလာနိုင်တဲ့ အန္တရာယ်ကို တစ်ခါတုန်းက ကြုံလို့ ပြောပြခဲ့ဖူးပါတယ်။ ရွာသူရွာသားတွေက ဘာတွေလာပြောနေပါလိမ့်လို့တစ်ချို့က တွေးတောစရာ ဖြစ်နေကြပါလိမ့်မယ်။ ရွာလယ်မှာ တောင်ကျချောင်းရေကတော့ ငယ်ငယ်ကဆို တပေါင်း တံခူးလထိ ရေတွေရှိနေခဲ့ပါတယ်။ အခုအချိန်မှာတော့ ပြာသိုလ၊ တစ်ပိုးတွဲလလောက်ဆိုပဲ ကျွဲ၊နွားနဲ့ လူတွေက ရွာလယ် တောင်ပေါ်ကနေစီးလာတဲ့ ချောင်းရေကို လုယက် သုံးနေရသလိုဖြစ်လာနေကြပြီ၊ တောင်ပတ်လည်ဝိုင်းနေတဲ့ ကျေးလက်ချစ်ဖွယ်ရွာလေးမှာတော့ ရွာသားတွေက ရာဘာပင်တွေ၊ လိမ်မော်ပင်တွေ ၊ မင်းဂွတ်သီးပင်တွေ၊ သံပရာပင်တွေစိုက်တာနဲ့တင် မြေနေရာမလုံလောက်လာလေတော့ စိုက်စရာမရှိမြေမလောက်တော့ တောင်ပေါ်တက်ပြီး တောင်ယာခုတ်ယင်း ခြံခင်းတွေ ချဲ့ထွင်လာကြတယ်။ သဘာဝသစ်တောကပေးနိုင်တဲ့ ရေ၊ လေ၊ သဘာဝမြေ သြဇာ တွေကလိုသလောက်မရကြတော့ပေ။ အစရှာတော့ ရွာလယ်မှာ စိုက်တဲ့ အသီး အရွက် စားပင်သောက်ပင် ကြီးငယ်များလဲ သဘာဝမြေဆီလွှာခန်းခြောက်လာတော့ သဘာဝမဟုတ်တဲ့ ပြည်တွင်း ပြည်ပ ဓာတ်မြေ သြဇာတွေ အားကိုးလာကြရတယ်။
ရွာဦးကျောင်းဆရာတော်ကလဲ ဒါကိုသိပ်မသိတော့ အထူးအထွေမပြောလို၊ ပြောဖို့တာဝန်ပေးတဲ့သူကိုတော့ နည်းနည်းတော့ အချဉ်ဖတ်သမားဖြစ်မယ်ထင်ပါတယ်။ လူတစ်ယောက်က ကိုယ်ထိုင်နေတဲ့ သစ်ကိုင်းကိုပဲ ကိုယ်ကိုယ်တိုင် ဖြတ်နေလေတော့ လမ်းဘေးလူက အမြင်မတော်လို့သတိပေးခဲ့ယင်တောင်မှ ကဲ့ရဲ့တဲ့ မျက်လုံးနဲ့ လှမ်းကြည့်ခံကြရသေးတယ်။
ဒါနဲ့ ရွာလည်မှာလမ်းဖြတ်လျှောက်တော့ တောင်သူတစ်ယောက်က မေးလာတယ်။ ရှေးအစဉ်ဆက် သူတို့ဘိုးဖွားဘီဘင်ကတည်းက ဒီလိုပဲ ရိုးရာ အစဉ်လာ လုပ်စားလာတာ အခုနေခါမှ မျိုးစုံနေတော့တာပဲတဲ့။ ကမ္ဘာပျက်ခါနီး နေမင်းကြီး ခုနစ်စင်းထွက်ယင် ကမ္ဘာလောင်မယ်မဟုတ်လား၊ အဲဒီအစား အခုတောခုတ်လဲ ဘာထူးလာမလဲတဲ့။ သူလဲ ကျနော် ခပ်ငယ်ငယ်က အတွေးလိုပဲထင်ပါတယ်။ ခန့်ငယ်ငယ်ကတော့ ကိုယ့်ရွာသည်သာ ကိုယ့်ကမ္ဘာထင်ခဲ့တာမဟုတ်ပါလားနော်။ ငါကတော့ မြို့မှာ ကာဘွန်ထုတ်နေတဲ့ အဲယာကွန်းကားစီးလို့ကောင်းနေပေမယ့် ရွာမှာတော့ဖြင့်............... ဟင်း ....ဘယ်လိုပက်သက်နေတာဘာလိမ့်နော်။

ဤစာပိုဒ်ကလေးဖြင့် ကုသမဂ္ဂက ပိဘတ်စ်မြို့တွင် ကျင်းပလျက်ရှိသော ကမ္ဘာကြီး ပူနွေးလာမှုဆိုင်ရာအစည်းအဝေးကို ဂုဏ်ပြုလိုက်ပါသည်။

Tuesday, September 1, 2009

ပါတ်စပို့စ် လုပ်လိုသူများ စုံစမ်းရန်

It is a good news for myanmar migrants workers all over the Kingdom of Thailand.
Migrants workers can apply new border pass book instead of current work pass / permit hold.
Thai Government could announce about procession of visa issue at the end of 2009. They will have an good opportunity to travel around country to work without any limitation as before.

လက်ရှိ သံတောင့်ဘတ်ကိုင်ထားသူများ၏ သံဒေါင့်ဘတ်ကို လာမည့် ၂၀၁၀ ဖေဖော်ဝါရီလတွင်
သက်တမ်းကာလ (၂) နှစ် ရှိ မြန်မာပါတ်စပိုစ်စာအုပ်များနှင့်လဲလှယ် ထုပ်ပေးမည်ဟုဆိုသည်။
ဘတ်ကိုင်ဆောင်ရတဲ့ ခေတ်လဲကုန်တော့မယ်တဲ့။
ပါတ်စပိုစ်ခ ကျပ်ငွေ ၃၀၀၀ ကျပ်
ထိုင်းဗီဇာကြေး ---------------------- ထိုင်းဘတ်ငွေ ၂၀၀၀ ဘတ် ကုန်ကျမည်တဲ့။

မြန်မာပြည်တွင်လုပ်ပေးနေသော၏ ဌာနများ
၁။ မြ၀တီ + မဲဆောက် ဌာန
၂။ကော့သောင်း + ရနောင်း ဌာန
၃။တာချီလိတ် + မယ်ဆိုင်ဌာန


ဘန်ကောက် ဖုန်းနံပါတ်= ၀၈၄-၆၄၅-၆၆၃၃

မဲဆောက် ဖုံးနံပါတ် = ၀၈၅ -၃၉၄-၀၃၈၁ / 084035307210

အသေးစိတ် သိလိုလျှင် အထက်ပါ ဖုံးနံပါတ်ကို ဆက်သွယ် စုံစမ်း ကြပါရန်။
ခေတ်ပြိုင်သတင်း နှစ်ပုဒ်က တော့... ဒီမှာလဲ ဖတ်ပါအုံး
ဒီမှာ ဖတ်ပေါ့

Wednesday, July 15, 2009

ဓမ္မသဟာနဲ့ အင်တာနက်ဂေဟာ

( ပြည်တွင်းက) ညီတော်များကို ကနဦး တိုက်တွန်းချင်တဲ့ အာသီသကတော့ ဓမ္မသဟာနဲ့ အင်တာနက် ဂေဟာ တို့ ဘယ်လို ဆက်နွှယ်နေတယ်ဆိုတာကိုပါပဲ။ ဓမ္မသဟာဆိုတာ မိတ်ကောင်းဆွေကောင်းပေါ့။ ကိုယ့်ကို တိကျတဲ့ လမ်းညွန်ချက်များ ပေးစွမ်းနိုင်တဲ့ ပြည်ပမှာ မိတ်ဆွေ သူငယ်ချင်း သတင်းသုံးဖော်ကောင်းလိုပါတယ်။ အင်တာနက် ကျွမ်းကျင်စွာသုံးတတ်ဖို့ကတော့ အင်္ဂလိပ်စာကို ပဌမ လေ့လာထားရမှာဖြစ်ပါတယ်။ ပြည်ပတက္ကသိုလ် တစ်ခုခုကို တက်ဖို့ စိတ်ဝင်စားပြီဆိုယင်တော့ ပြည်တွင်းမှာ မိမိနိုင်တဲ့ အားနဲ့ ဆရာခေါ်ပြီးပဲ ဖြစ်စေ၊ သင်တန်းတွေကို လိုက်တက်တာပဲ ဖြစ်စေ အင်္ဂလိပ်စာကောင်းမွန်အောင် ကြိုတင်ကာ မွမ်းမန်ထားသင့်ပါပြီ။ ဒါမှသာ မင်္ဂလာဒုံလေဆိပ်ကနေ စတင်ထွက်ခွာလာတာနဲ့ အင်္ဂလိပ်စာ၊ အင်္ဂလိပ်စကားကို တွင်တွင် ကျယ်ကျယ်သုံးနိုင်မည်ဖြစ်ပါသည်။ ရန်ကုန်မှာတော့ တောင်ဥက္ကလာပက ဦးအဂ္ဂကျောင်း၊ မြောက် ဥက္ကလာပတွင် ဇမ္ဗူအေးတိုက်က မြတ်မင်္ဂလာကျောင်း၊ မယ်လမုဘုရာအနီး၊ ဘုန်းကြီးလမ်းက ဦပညာဒီပကျောင်းများနှင့် လှည်းတန်းတွင်း ဦးဝင်းနိူင်သင်တန်းများမှာ ဖီးလ်ကြေး သက်သက်သာသာနဲ့ အင်္ဂလိပ်စာသင်တန်းတွေ လိုက်တက်သင့်ပါတယ်။ လစဉ်ထွက်တဲ့ အင်္ဂလိပ်စာစောင်များကိုလဲ ဗဟုသုတ တိုးပွားအောင် ၀ယ်ဖတ်ခြင်း၊ ငှားဖတ်ခြင်းလုပ်ပေးရပါမည်။ သို့မှသာ တစ်စထက် တစ်စ အင်္ဂလိပ်စာတော်တဲ့ လူတော်လူမွန်များဖြစ်လာမည်ဖြစ်ပါတယ်။ ရန်ကုန်တွင် ယခုအခါ မြို့နယ်တိုင်းလိုလိုတွင် အင်တာနက် ဆိုင်များ မှိုလိုပေါက်နေပါပြီ၊ ဒါကို အခွင့်အရေးယူကာ နိုင်ငံတကာသို့ ဆက်သွယ်သော လမ်းကြောင်းအဖြစ် မိမိရရ အသုံးချရမည်ဖြစ်ပါသည်။ အင်္ဂလိပ်စာသင်ယူလေ့လာခြင်းသည် အင်တာနက်သုံးသသည့်အခါတွင် မေ့နေတဲ့ စကားလုံးတွေကို ပြန်လည်အမှတ်ရစေပါသည်။ စကားလုံးမှတ်မိ အားလည်း တိုးတက်လာမည်ဖြစ်သည်။ ပြည်တွင်းတွင် အနည်းဆုံး ပထမကြီးအောင်ထားယင် အင်္ဂလိပ်စာကို စတင်လေ့လာလို့လိုရပေသည်။ ယနေ့ခေတ်လိုအပ်အပ်ချက်အရ အင်္ဂလိပ်စာကို တတ်အောင်ကို သင်ယူထားရမည်ဖြစ်သည်။ ပထမကြီး အောင်ထားပြီးသူများသည် အောင်လက်မှတ်ကို နိုထရီပြန်ထားရမည်။ အမှတ်စာရင်းတောင်းယူလာရမည်ဖြစ်သည်။ သို့မှသာ ပြည်ပတွင် ဘီအေ တန်းကို ဆက်လက်လေ့လာနိုင်မည်မည်ဖြစ်ပါသည်။ အစိုးရ သာသနဓဇ ဓမ္မာစရိယအတွက် အောင်လက်မှတ်ကို နိုထရီပြန်လာရမည်။ အမှတ်စာရင်းတောင်းခံလာရမည်။ သာသနတက္ကသီလ ဓမ္မာစရိယအောင်ထားပြီးသူများမှာတော့ အမှတ်စာရင်းသာ တောင်းလာရမည်ဖြစ်ပါသည်။ ပြည်ပတွင် အမ်အေတန်းကို ဆက်လက်လျှောက်ထားသင်ယူကြမည်ဖြစ်ပေသည်။ ပြည်ပတွင် ကျောင်းတက်ခဲ့ဖူးသော မိတ်ဆွေများထံသုိ့ချည်းကပ်၍ ပြင်ဆင်သင့်တာကို ကြိုတင်ပြင်ဆင်ထားသင့်ကြပေသည်။ အင်တာနက်ဆိုင်သို့ ပြေးကား ပြည်ပလာခင် ပြင်စရာများကို စုဆောင်းလာရမည်ဖြစ်ပါသည်။ ချက်တင်ဝင်၍ အဖိုးတန်ချိန်များကို မဖြုန်းတီးသင့်ပါ။

၁။ အင်္ဂလိပ်စာ ကျွမ်းကျင်ရပေမည်။
၂။ ကွန်ပြူတာအခြေခံ အဆင့်ရှိနေရပါမည်။
၃။ ပြည်ပတွင် အဓိကသင်လိုသည့်ဘာသာရပ်တွင် ကျွမ်းကျင်အောင်လေ့လာထားရမည်ဖြစ်ပါသည်။


Monday, July 13, 2009

စေတနာရဲ့သားကောင်များ

“ စေတနာဟံ ဘိက္ခဝေ ကမ္မံ ၀ဒါမိ” လို့ ဗုဒ္ဓက ဟော၏၊ စေတနာကို ကံ ဟု ဆိုလိုခြင်းတည်း။ ကံ ဆိုတာ မကောင်းတဲ့ အသိုလ်ကံနဲ့ ကောင်းတဲ့ ကုသိုလ်ကံ ဆိုရယ်လို့ နှစ်မျိုးပဲရှိပါတယ်။ ဒီနေရာမှာ ကုသိုလ်ကံရော အကုသိုလ်ကံပါ နှစ်မျိုးလုံးကို ချုံငုံပြီး ကံ သို့မဟုတ် စေတနာလို့ သာမန်သုံးလိုက်တာပါပဲ။

“သင်္ခါရတရားအားလုံးဟာ အနိစ္စပါတကား” လို့ ပြောဆိုကြတာဟာလဲ ဖြစ်လာသမျှ ရုမ်နာမ်းတရားများဟာလဲ ပျက်သုံးကုန်းဆုံးကြရတာချည်းပါပဲတဲ့။ အ၀ိဇ္ဇာ ပစ္စယာ သင်္ခါရာ အရ- သင်္ခါရ-စေတနာ စေတသိက်နာမ်တရားသည် ယှဉ်ဘက်ရုပ်နာမ်များနှင့် အတူတူဖြစ်ပျက်ကြရပါသည်။ ရှေးက ရထားခေါင်းတွဲနဲ့တူတဲ့ စေတနာဖြစ်လျှင် နောက်တွဲများနဲ့တူတဲ့ ယှက်ဘက် ရုပ်နာမ်တရားများလည်း လိုက်ဖြစ်ပါသည်တဲ့။ ( ဤကား သင်္ခါရ၏သဘာဝ)

အနိမ့်ဆုံး သောတာပန် အရိယာဖြစ်ပြီးလို့ မဂ်ဥာဏ်နဲ့ ထိုက်သင့်တဲ့ ကိလေသာအဆင့်များကို မပယ်ထားသေးဘူးဆိုယင်တော့ ကုသိုလ်ဇောနဲ့ အကုသိုလ်ဇောက လုံးဝ အားနည်း ပါးလွှားလာခြင်းမျိုး မရှိသေးဘဲ အာရုံငါးပါး စိတ်( ပဉ္စဒွါရ၀ီထိ) နဲ့ တွေးကြံစိတ် (မနောဒွါဝီထိ) နှစ်မျိုးထဲက တစ်မျိုးမျိုးနဲ့ ကုသိုလ်ဇောနဲ့ လည်/ဇောကျလိုက်၊ အကုသိုလ်ဇောနဲ့လည်/ဇောကျလိုက် စိတ်အစဉ်အတန်း(၀ီထိ) တွေလည်နေ ကျနေအုံးမှာပါပဲတဲ့ ။ (ဤကား သင်္ခါရပစ္စယာ ၀ိညာဏံ အရ- စိတ်ဝိညာဏ်ရဲ့ ဖြစ်ပုံသဘောသဘာဝတည်း၊ )

အာရုံငါးပါး တစ်ပါးပါး နဲ့ ဖြစ်စေ၊ အတိတ်အတွေး အနာဂတ်အတွေးကြောင့် ဖြစ်စေ ( အတီတံ နာနွာဂမေယျ၊ မဇ္ဈိမနိကာယ်) ပစ္စုပန်မှာ မနေတဲ့စိတ် / မမျှတတဲ့ စိတ်ကြောင့် ဖြစ်လာတဲ့ (ကျနေရတဲ့) စိတ်အစဉ်အတန်း ကုသိုလ်ဇော စေတနာ၊ အကုသိုလ်ဇော စေတနာ ကြောင့် ဘ၀သံသရာ ရထားကြီး ပျော်ပျော်ကြီး စီးကာ မော်နေရတဲ့ အဖြစ်ကို ဆိုက်ရောက်နေကြရတယ် ဆိုပဲ။

၃၁ ဘုံမှာ လည်ပတ်နေတဲ့ အနန္တသတ္တ၀ါများဟာ စေတနာရဲ့သားကောင်းများဖြစ်ကြပါတယ်။ သတ္တ၀ါများ ၃၁ ဘုံတွင် ကျင်လည်နေကြရသည်မှာ စေ့ဆော်မှုစေတနာကြောင့် ကျင်လည်နေရတာဖြစ်၏။

ကံကို ဖြစ်စေတတ်တဲ့ အရာ သုံးမျိုးရှိသတည်း။ ဒါကို ၀ိပါက၀ဋ်လို့လဲ သုံးပါတယ်။ အမှန်မသိမှု -အ၀ိဇ္ဇာ၊ တောင့်တနေမှု -တဏှာ၊ စွဲလန်းမှု -ဥပါဒါန် ဆိုတဲ့ တရားသုံးမျိုးကပဲ စေတနာဆိုတဲ့ မျိုးစေ့ကို ၃၁ ဘုံမှာ အပင်ပေါက်အောင်လုပ်ပေးနေတာပဲတဲ့။ တကယ်ကံ စေတနာမျိုးစေ့ကိုထုတ်တာကတော့ တဏှာ စက်ရုံက ထုတ်လုပ်ပါသည်တဲ့။
တဏှာ အမျိုးအစားကလဲ သုံးပါးရှိပါတယ်။
၁။ ကာမတဏှာ
၂။ ဘ၀တဏှာ
၃။ ၀ိဘ၀ဏှာ ( ဗဟုသုတအဖြစ်မျှသာ)



စေတနာဆိုတဲ့ ကံမျိုးစေ့ အကျိုးတရား ဘာကြောင့်ဖြစ်တာလဲလို့ မေးလာလျှင်တော့ အကျိုးတရားကား အကြောင်းတရားနှင့် မကင်းနိုင်ချေတကား၊ စေတနာမျိုးစေ့ ဖြစ်ကြောင်းနှစ်မျိုးပါရှိတယ်။

၁။ အ၀ိဇ္ဇာ ပစ္စယာ သင်္ခါရာ = အမှန်မသိမှုကြောင့် သင်္ခါရ -စေတနာမျိုးစေ့ ဖြစ်လာရခြင်း
၂။ ကမ္မပစ္စယာ ဇာတိ = ပစ္စုပ်ပန်ကံစေတနာကြောင့် ပစ္စုပ်ပန်အကျိုး ဥပပတ္တိမွေးဖြစ်နေခြင်း

အထက်က (၁) နဲ့ (၂) အနှစ်ချုပ်လိုက်ယင် ကမ္မ၀ဋ် လို့လဲ ခေါ်ကြပါတယ်။ အ၀ိဇ္ဇာ နဲ့ ကမ္မဘ၀ ကမ္မ၀ဋ်ကြောင့် စေတနာ မျိုးစေ့အဖြစ်ကနေ သတ္တ၀ါအပင်ပေါက်လာတာပဲလို့မှတ်ယူရမလားပဲ။ ဤကမ္မ၀ဋ်နှစ်မျိုးကတော့ သာမာန်ချုံပြောယင် သတ္တ၀ါအားလုံးမှာလည်နေပါတယ်။ ဒါပေမယ့် ဘုရား ရဟန်ဒါမှာ လည်နေတဲီ့ကမ္မ၀ဋ်ကတော့ စေတနာမရှိတဲ့ ပြုကာမတ္တ ကိရိယာ အနေဖြစ်သာလည်နေကြသတဲ့။

“စေတနာအမှားပါ ညီမရယ်” တဲ့ ၊ ပြောရက်လိုက်လေခြင်း၊ စေတနာပါနေမှတော့ မှားတဲ့အမှားက သေသေချာချာကိုမှားတဲ့ အမှားပေါ့၊ ပေါ့ပေါ့ တန်တန်မှားလိုက်တဲ့ အမှားမျိုးမဟုတ်ဘူး လို့ ဆိုလိုရာရောက်သွားတာပေါ့၊ “မေတ္တာအမှားပါ”ဆို စကားသုံးလို့တော်သေးတာပေါ့။

ငါ ၊ ငါ့ဥစ္စာ ဆိုတဲ့ သက္ကာယဒိဋ္ဌိ ကင်းကင်း ၃၁ ဘုံရှိစေတနာကြောင့် ပေါက်ဖွားလာရတဲ့ ( သင်္ခါရပစ္စယာ ၀ိညာဏံ၊ ကမ္မပစ္စယာ ဇာတိ အရ) မြင်ရ၊ မမြင်ရ အားလုံးကိုကောင်းစားပါစေ၊ စတဲ့ ဗြဟ္မစိုရ်တရားနဲ့ ကျင့်သုံးနေထိုင်ရင်တော့ စေတနာကံသတ္တိကို အားနည်းစေတာ၊ ပပျောက်သွားစေတာ ဖြစ်လာဖို့ လမ်းစတစ်ခုပါပဲတဲ့။
မေတ္တာ ၊ ကရုဏာ၊ မုဒိတာ၊ ဥပေက္ခာ ဆိုတဲ့ ဗြဟ္မစိုရ်တရားများသည် စေတနာကို အားနည်းသွားအောင်လုပ်ပေးတဲ့ဆေးတစ်မျိုးပါပဲတဲ့။
ဥပေက္ခာသဘောကို ဒီနေရာမှာနည်းနည်းထပ်ရှင်းလိုပါသည်။ ဓာရေတီတိ ဓမ္မော = သူ့သဘောသူဆောင်ခြင်း သဘောမျိုးကိုဆိုလိုတာပါပဲ။ တစ်ချို့က ဒါကိုဝေဖန်ကြတယ်။ ဘုရားမတိုင်ခင်ကရော ဘုရားလက်ထက်မှာရော၊ ဘုရားသာသနာနောက်ပိုင်းရော ဗြဟ္မာ့ပြည်ရောက်ကြောင်း ဗြဟ္မာ့စိုရ်တရားတွေက ရှိနေကြတာပါပဲတဲ့။ ဗြဟ္မစိုရ်တရားကို ကျင့်နေရုံနဲ့ ၃၁ ဘုံမှာ ကျည်လည်နေရတဲ့ သားကောင်ပဲ ဖြစ်နေအုံးမှာပါပဲတဲ့ဗျာ။

လူ၊ နတ်ချမ်းသာတောင်းတလျှက် ဒါနပြုတယ်၊ သီလဆောက်တည်တယ်။သမထဘာဝနာပွားတယ် ဆိုယင်တော့ ၃၁ သားကောင်းဖြစ်သွားရရှာတာပါပဲ။စေတနာကံနေ လွတ်မြောက်ကြောင်း ၀ိမုတ္တိတရားလမ်းကို ဘုရားက မဂ္ဂင်ရှစ်ပါးလမ်းစဉ်ကိုချပြခဲ့ပါတယ်။ မဂ္ဂင်တရားလမ်းစဉ်ကို လျှောက်လှမ်းကာ ဆင်းရဲခြင်းအမှန်ဒုက္ခသစ္စာကို သိခြင်း၊ ဒုက္ခဖြစ်ကြောင်း တဏှာ သမုဒယ သစ္စာကို သိခြင်း (တဏှာနံ ခယမဇ္ဈဂါ)၊ ဒုက္ခချုပ်ကြောင်းလမ်း သို့ဆိုက်ရောက်ခြင်း၊ ဆင်းရဲချုပ်ကြောင်း မဂ်ကို ပွားများခြင်း ဆိုတဲ့ သိ၊ ပယ်၊ဆိုက်၊ ပွား လမ်းစဉ်များကို အားထုတ်လျှင်ကား ၃၁ ဘုံကနေလွတ်ကြောင်း စေတနာသားကောင်းများအဖြစ်မှ လွတ်မြောက်လိမ့်မည်ဖြစ်ကြောင်း .................

သာသနာ့အာဇာနည်းလောင်းကို ဂုဏ်ပြုခြင်း

တပည့်တော်များ မြန်မာရဟန်းတော်များသည် ယနေ့ခေတ်တွင် နိုင်ငံတကာသို့ တစ်စတစ်စထိုးဖောက်ဝင် ရောက်နေရာယူလာကြပါသည်။ မီဒီယာ ခေတ်တွင် မီဒီယာကို ကောင်းကောင်းအသုံးချ၍ ဗုဒ်ဓတရားတော်များကို နေရာ ဒေသမရွေးနေထိုင်ကြသည့် သတ္တ၀ါအများကို မီဒီယာအားဖြင့် အသိပေးနိုင်သောအခွင်များလည်း လက်တွင်းသို့ ဆိုက်ရောက်လာပါပီ။ ရှေးရှေးက ပြည်ပရောက် ပြည်ပရောက်သံဃာတော်အဖွဲ့များသည် အဖွဲ့အစည်းဖွဲ့၍ ညီညွတ်အောင် ကြိုးစားသော အလေ့အထများလည်း အားနည်းခဲ့ကြသည်ဟုယူဆမိပါသည်။ မဲစနစ်ဖြင့် ရွေးချယ်သောစနစ်ရှိသော အဖွဲ့အစည်းသည် တိုးတက်ရေး လမ်းကြောင်းပေါ်သို့ စတင်ရောက်ရှိစေသောနည်းလည်းဖြစ်ပါသည်။ အဖွဲ့အတွင်း အရည်အသွေးကောင်း ဗျတ္တိပဋိဗလ ရှိသောသူများကိုလည်း မဲ့ဆန္ဒရှင်များက မျက်စိကျနေမှာဖြစ်ပါသည်။ သံဃာ့အကျိုးကိုသယ်ပိုးခြင်းးသည် ကျန်သော ဘုရား တရား အကျိုးတို့ကို သယ်ပိုးသည်နှင့်ထပ်တူကြပေသည်။
စွမ်းစွမ်းတမံ သံဃာ့အကျိုးကိုသယ်ပိုးသူများသည် မှန်ကန်သော သာသနာပြုအာဇာနည်များဟုလည်း ခေါ်ထိုက်ပါပေသည်။ ဘုရား၏လမ်းစဉ်ကား အလယ်အလတ်လမ်းစဉ်ဖြစ်သည်နှင့်အညီ ဘုရား၏ သမုတိသံဃာ၊အရိယာသံဃာ သားရဟန်းတော်များသည်လည်း ဘုရားလမ်းစဉ်ကို လျှေက်လှမ်းကြမည့် အာဇာနည် သာကောင်းများပါပေတည်း၊ စာပေးဆည်းပူးခြင်းဖြင့် တဖက်တစ်လမ်းတွင် သံဃာ့အရေး လက်မနှေး ဆောက်ရွက် ကြရသည်။ ဆောင်ရွက်သူများကိုလည်း ဘုရားချမှတ်ထားသောလမ်းကို အမှန်တကယ် လျှောက်လှမ်းသူဖြစ်ပါမူကား မုဒိတာပွား သာဓု ခေါ်ဆိုထိုက်ပါပေတည်း။ နောက်နောင်လည်း ဤပုဂ္ဂိုလ်မျိုးကို သံဃာ့ ကိုယ်စားလှယ်အဖြစ် မတုံ့မဆိုင်း မဲ့ပေးထိုက်ပါပေ၏၊ ဤသည်ကား သာသာနာ့အာဇာနည်ကို အမှန်တကယ် ထိုက်ထိုက်တန်တန် ဂုဏ်ပြုခြင်း( ပူဇာစ ပူဇနေယျာနံ ) မင်္ဂလာကို ကျင့်သုံးခြင်း မည်ပါပေး၏။
ပူဇာစ ပူဇနေယျာနံ ဟုဆိုရာဝယ် ပူဇော်ခြင်းနှစ်မျိုးရှိပါသည်၊ ဓမ္မပူဇာ- စာပေအသိဥာဏ်ဖြင့် ပူဇော်ခြင်း၊ အာမိသပူဇာ-ပစ္စည်းဥစ္စာဖြင့် ပူဇော်ခြင်းတည်း။ ထိုနှစ်မျိုးတွင် ပထမပူဇော်နည်းကာ အလွန်မွန်မြတ်ပါပေ၏။ ဘုရားရှင်သည် မယ်တော်မိနတ်သားအား နက်နက်ခက်ခဲသော အဘိဓမ္မာတရား ဟောကြားခြင်းတည်းဟူသော ဓမ္မပူဇာဖြင့် မိခင်အား ကျေးဇူးဆပ်ခဲ့ပါသည်။ ဤနည်းတူ ဇနီးသယ်နှင့် သားတော်ရာဟုလာလေးတိုးအား လည်း တရားအမွေ ချီးမြှင့်ခြင်း ဓမ္မပူဇာဖြင့် တုံ့ပြန်ခဲ့သည် မဟုတ်တုံလော။ အာမိသပူဇာသည်လည်း ပူဇော်ထိုက်သောအရာတို့တွင် ဒုတိယနေရာတွင် ပါဝင်ပေသည်။ အဂတိတရားကင်းစင်သော၊နာယကဂုဏ်ကို ဆောင်နုိုင်သော၊အတ္တသမ္မာပဏိဓိ
မိမိစိတ်ကို ကောင်းဆိုးလောကဓမ်ရှစ်ပါးနှင့် ကြုံတွေ့လာလျှင် အလယ်အလတ် သဘောထားနိုင်ခြင်း၊ ကာယအား၊ဥာဏအား မျှတခြင်း စသော ဂုဏ်ထူးဝိသေသများဖြင့်ပြည့်စုံ
သော သာသနာ့အာဇာနည်လောင်းများကို ဘုရားတပည့်တော်များ သံဃာ့အလယ်တွင် ရှာဖွေတွေ့ရှိနုိုင်မှာ ဖြစ်
ကြောင်း ယုံကြည်စွာဖြင့် ပန်းပင်ပျိုလေး ထိုင်းနိုင်ငံရောက် မြန်သောတုဇနအသင်းကို ဤတွေးတောမိတာလေး
ဖြင့် ဂုဏ်ပြုလိုက်ပါသည် အရှင်ဘုရားတို့။



ညီညွတ်ခြင်းသည်အင်အား

လူတစ်ယောက်ရဲ့ နာမည်ကို ပုံစံအမျိုးမျိုးနဲ့ မှည့်ခေါ်သလိုမျိုးပဲ လူတစ်အုပ်စု၊အဖွဲ့အစည်း တစ်ဖွဲ့ ကိုလည်း အရောင်၊ အက်ေတအလံ၊ တဆိပ်၊ ပုံသံဌာန် ပုံစံအမျိုးမျိုးနဲ့ မှည့်ခေါ်ကြပါတယ်။ သက်ေတပြုကြပါတယ်။
သံဃာ့အဖွဲ့အစည်းကို ပုံတူအရောင်နဲ့  ဦးပြည်း ကတုံးပုံသံဌာန်ပြုကာ ဖွဲ့စည်းလာခဲ့ပါတယ်။ ဤကဲ့သို့ စဉ်အ
ဆက်ဖွဲ့စည်းလာခဲ့သော် သံဃာ့အဖွဲ့အစည်းမှာ နှစ်ပေါင်း ၂၅၀၀ ကျော်သို့တိုင် ရောက်ရှိလာခဲ့ပါပြီ။ဤသံဃာ့
အဖွဲ့အစည်းသည် လူသားတို့အကျိုး၊စီးပွာချမ်းသာ၊လောကကိုစောက်ရှောက်ဖို့ (ဗဟုဇနဟိတာယ၊ ဗဟုဇနသုခါယ၊ လောကာနုကမ်ပ) ဖြစ်ပါတယ်။

ထိုင်းနုိုင်ငံတွင် စာပေလာရောက်ဆည်းပူးတဲ့ သံဃာတော်များသည်လည်း လူသားလောက
ကောင်ကျိုးကိုရှေးရှုကာဤသံဃာ့အဖွဲငယ်ကို ဖွဲ့ စည်းခဲ့ရခြင်းဖြစ်ပါသည်။ အများညီညွတ်ခြင်း
သည် ကိစ္စရပ်တစ်ခုခုကိုဆောင်ရွက်ရာတွင် ထိရောက်မြန်ဆန်သော ပြီးမြောက်မှုကို ရစေပါသည်။ အဖွဲ့အစည်းအတွင်း ပါရမီရှင်များကို ရှာဖွေရန်ပိုမိုလွယ်ကူစေပါသည်။ ၀ဇ်ဇီတိုင်းသားများကိုဘုရားကဟောကြားထားခဲ့သော အဖွဲ့အစည်းတစ်ခုရဲ့ညီးညွတ်မှုစံများသည် အဖွဲ့စည်းကို တည်ထောင်ဖွဲ့စည်းကြသူတိုင်း လေးစားလိုက်နာဖွယ်ကောင်းသော နမူကောင်းများဖြစ်ပါသည်။ စာပေသည် လူတစ်မျိုးတစ်မျိုးအတွက် ညီညွတ်အအောင် ညှိပေးသော ပေတံနှင့်တူပေသည်။ နိုင်ငံတော်အလံသည်သည်လည်း
ထိုနိုင်ငံတွင် နေထိုင်သော တိုင်းသူပြည်သားများကို သင်္ကေတမျဉ်းအနေဖြစ်ညှိပေးသောအရာပေတည်း၊ ထိုနည်းတူပဲ အဖွဲ့အစည်းတစ်ခုရဲ့အမည်နာမ၊ အ၀တ်ယူနိဖောင်း စသည်တို့သည်လည်းပဲ အဖွဲ့အစည်းအတွက် အင်းအားအစိတ်အပိုင်းတစ်ရပ်ဖြစ်ပါသည်။
အချို့သောဘာသာဝင်များသည် တစ်ပတ်တွင်တစ်ကြိမ်ကျ တွေ့ဆုံဝတ်ပြုခြင်းဖြင့် စည်းလုံးညီညွတ်အောင် ဘာသာဝင်တိုးတက်အောင် လုပ်ဆောင်ကြပါသည်။ အသုံးပြုသော သင်္ကေတများမှာကား ဟာမိုနိသဘောဆောင်သော တူရိယာသံစုံ၊ ဂီတ၊ သံပြိုင် ၀တ်ပြုခြင်း များတို့ပါဝင်ပါသည်။ ထို့အတူပါပဲ ရဟန်းအဖွဲ့အစည်း အရှည်ခိုင်ခံ့စေရန် တစ်ကျောင်းတွင်လည်း အတူတူ ၀တ်တက်ခြင်း၊ အတူတူ ရေခတ်ခြင်း၊ ဥပုသ်ပြုခြင်း၊ကံဆောင်ခြင်းများတို့ ရှိနေပါသည်။
ဤကဲ့သို့ သတ်မှတ်ရက်အတိုင်းတွေ့ဆုံးခြင်း၊ တူညီသောကတိက၀တ်တစ်ခုကို ရယူကြခြင်း၊ အကောင်အထည်ဖော်ခြင်းစသည့်အလုပ်များသည်အဖွဲ့အစည်းတစ်ခုအရှည်တည်တံ့ကြောင်း
နည်းလမ်းကောင်းများဖြစ်ပါသည်။
ညီညွတ်ခြင်းသည် ကာယသာမဂ္ဂီ-ကိုယ်အားဖြင့် ညီညွတ်ခြင်း၊ စိတ္တသာမဂ္ဂီ-စိတ်ခွန်အား အားဖြင့် ညီညွတ်ခြင်း တို့အားဖြင့် နှစ်မျိုးရှိပါသည်။ သံဃာ့ကံ ၊သာသနာရေးအမှုကိစ္စဆောင်ရွက်ရာတွင် အများနည်းတူ ညီညီညွတ်ညွတ်ဆောင်ရွက်လိုက်ပါခြင်းသည် ကိုယ်အားဖြင့် ညီညွတ်ခြင်းဟု ထင်ပါသည်။ ဆောင်ရွက်လိုက်သဖြင့် အောင်မြင်မှု ၊ဆုံးရှုံးမှု ရလာဒ်များသည်ကား စိတ်ဓာတ်ရဲ့ အတက်၊အကျ ခွန်းအားကို ဖြစ်စေပါသည်။ အပြန်အလှန်အားဖြင့် ကိုယ်အား နဲ့ စိတ်အားသည် အကြောင်းအကျိုးဆက်နွယ်မှုရှိပါသည်။
တစ်ခုကောင်းလျှင် နောက်တစ်ခုကလိုက်ကောင်းနေတတ်ပီး ၊တစ်ခုယုတ်လျှင် နောက်တစ်ခု လိုက်ယုတ် တတ်သည်မှာ လောကဓမ္မတာပင်ဖြစ်၍ ဆိုဖွယ်ရာမရှိပေ။ ကောင်းတိုင်းလည်း မာန်မာန် အထွတ်တက်စရာမရှိအာင် ထိန်းသိမ်းခြင်း၊ အဆိုးနဲ့ရင်ဆိုင်ရတိုင်းလည်း စိတ်ဓာတ်ခွန်အား အလွန်တရာကျဆင်းသွားဖွယ်ရာ မရှိအောင် ထိန်းသမ်းခြင်း၊ ဤသို့ကျင့်သုံးခြင်းသည် ထိုင်းနိုင်ရောက် မြန်မာစာသင်သားရဟန်းတော်များ အဖွဲ့သည် ခရီးလမ်းတစ်လျှောက် တိုက်ခတ်လာမည့် လောကဓမ်လှိုင်းကြမ်း၊ လေကြမ်းကို အတ္တသမ္မာပဏိဓိ -မိမိစိတ်ကို အများကောင်းကျိုး၊သံဃာ့ကောင်းကျိုးအတွက် ရှေ့ရှုဆောင်ရွက်နေသည်ဟု ခိုင်ခိုင်ဆောက်တည်ကာ ပျိုးပင်ပေါက်စ ကျောင်းသားအဖွဲ့အရေးကို ညီညီညွတ်ညွတ် ထမ်းဆောင်တည်ဆောက်ကြပါစို့လား အရှင်ဘုရား တို့။

Sunday, July 12, 2009

ဥပါဒါန်ရဲ့ဝဋ်ကြွေး

ဝဋ်ဆိုတာ ၀ဋ္ဋ = လည်ပတ်ခြင်း ဆိုတဲ့ ပါဠိကဆင်းသက်လာတဲ့ ပါဠိသက် ဝေါဟာရမြန်မာစကားတစ်လုံးပါပဲ။ ကိလေသ၀ဋ် ၊ကမ္မ၀ဋ်၊ ၀ိပါက၀ဋ် လို့ ၀ဋ်သုံမျိုးရှိပါတယ်။ ကိလသ၀ဋ်မှာ အ၀ိဇ္ဇာ၊တဏှာ၊ဥပါဒါန် လို့သုံးမျိုးရှိပါတယ်။ အဲဒီသုံမျိုးတို့အနက် လူသားတို့အပေါ်မှာ ပေါင်းပင်သဖွယ်ရစ်ပတ်တွယ်ပြီး လည်ပတ်နေတာဟာ ၀ဋ်လည်နေတယ်လို့ ပြောကြတာပါပဲ။ ဒါကိုပဲ ဗုဒ္ဓဘုရားရှင်က ဓမ္မစကြာတရားဦးမှာ “သံခိတ္တေန ပဉ္စုပါဒါနက္ခန္ဓာ” လို ပဉ္စ၀ဂ္ဂီငါးဦးတို့အား ၀ါဆိုလပြည့်နေ့မှာ ဟောခဲ့တယ်လို့ ပြောရမလားပဲနော်။ “ဥပါဒါန်ရဲ့ဝဋ်ကြွေး”ဆိုတာ ဥပါဒါန်ကြောင့် ဥပါဒ်ရောက်နေတဲ့ သတ္တ၀ါတစ်ဦးဦးရဲ့ နေ့စဉ်လှုပ်ရှားရုန်းကန် နေရတဲ့ ဆင်းရဲတဲ့ ဘ၀လည်ပတ်မှု ( သို့မဟုတ်) နေသစ်မှာ ဘ၀အသစ်အသစ် မွေးဖွားနေတာကိုပြောတာပါပဲ။

“ဒါဟာ ဘ၀ရဲ့ဝဋ်ကြွေးလား” လို့ ကိုယ့်ကိုယ်ကိုခဏခဏလဲမေး တတ်ကြပါလိမ့်မယ်။ သူတစ်ပါးကိုလဲမေးတတ်ကြပါလိုက်မယ်။စွဲလန်းတဲ့သံယောဇဉ်ဆိုတာလဥပါဒါန်တစ်မျိုးပါပဲ။လူသားတွေမှာ မမြင်နိုင်တဲ့ သံယောဇဉ် ဥပါဒါန် အမြှင်အတန်းလေးတွေရှိကြပါတယ်။ အဲဒီ မမြင်ရတဲ့ သံယောဇဉ်အမြှင်အတန်းကပဲ ကိုယ့်ဘ၀ကို ဥပါဒ်ပြန်ဖြစ်စေတာပါပဲ။ ဥပါဒါန် (သို့မဟုတ်)သံယောဇဉ်ဆိုတာ သက်ရှိ သက်မဲ့ ပစ္စည်းဥစ္စာတွေပေါ်မှာ နှောင်ကြိုးလေးတွေရှိနေတဲ့အတွက် ကိုယ့်ကို (Cling) စီးကပ်စေတာပါပဲ။ ဒီနေရာမှာ လောဘ စိတ်ကိုတော့ မျောက်နှဲ့စေး အစေးခံရသည့် ဥပမာပေးထားပါတယ်။ ဥပါဒါန်ကတော့ မမြင်နိုင်တဲ့ ကြိုးမြှင်းလေနဲ့တူပါဥပမာပေးလိုက်တော့မယ်။ ရုပ်သေးပွဲကြည့်ယင် ရုပ်သေးကို လှုပ်ရှားစေတဲ့ ကြိုးမြှင်များပါ ရှိပါတယ်။ အဲဒါကို မီးမှိန်ထားယင်တော့ မြင်ရဖို့ခက်ခဲပါတယ်။ ကနေတဲ့ ရုပ်သေးရုပ်ကိုပဲ ထင်ထင်ရှားရှား မြင်နေရပါတယ်။ ရုပ်သေးရုပ်အကလှစေဖို့ ရုပ်သေးရုပ်ရဲ့အစိတ်အပိုင်းတွေမှာ သွယ်တန်းထားတဲ့ ကြိုးများလေလေ လှုပ်ရှားပေးဖို့ ပိုကောင်းလေလေပါပဲ။
အသေးစိတ်တွယ်တန်းထားတဲ့ ကြိုးများလေလေ ရုပ်သေးအကက လှလေလေပါပဲ။ ဒီနေရာမှာ ရုပ်သေးရုပ်မှာ ပါတဲ့ ကြိုးမြှင်မြှင်လေးဆိုတာ လူတွေမှာရှိနေတဲ့ မမြင်နိုင်သံယောဇဉ်ကြိုးလိုမျိုးပါပဲ။ သံယောဇဉ်များလေလေ လူတစ်ယောက်ရဲ့ရုန်းကန် လှုပ်ရှားမှုက များလေလေပါပဲပေါ့။ လှုပ်ရှားတယ် ဆိုတယ် စိတ်ကအရင်လှုပ်ရှားလို့ ကိုယ်ရုပ်ခန္ဓာက လိုက်လှုပ်ရှားနေရတာပါပဲ။ ဒါကြောင့်လဲ လောကဇာတ်ခုံ ၊ လူ့ဘုံလောက၊ နေ့နေ့ညည လှုပ်ရှားရ၏ စတဲ့ စကားတွေများဖြစ်လာသလားလို့ တစ်ခါ တစ်ခါ စဉ်းစားပြီး ကိုယ့်ဘာသာကိုယ် အချင်းများနေမိပါတယ်။ လူ့လောကဇာတ်ခုံပေါ်မှာ ခဏတာလာ ကခုံကြတဲ့ လောကလူသားသတ္တ၀ါများလည်း ဒီနှယ်ပဲ နေမှပါပဲ။
တစ်ချို့က အဆင်မပြေမှုတွေကို သယ်သယ်လာပြီးတော့ “ ဒါဟာ ၀ဋ်ကြွေးလားဟင်” လို့မေးတတ်ကြလို့ “ အင်းပေါ့ ၊ ဒါဟာ ကိုယ့်လုပ်တဲ့ ၀ဋ်ကြွေးပဲလေ” လို့ ပြန်ဖြေပေးလိုက်တာကို မကျေနပ်ပဲ တွေးရင်းရင်း “ဟဲတော် ၀ဋ်ဆိုတာ တစ်ပါးသူကြောင့် လည်တာထင်နေတာ” တဲ့လေ။ ရေးယင်းရေးယင် အဆိုတော်လေးဖြူရဲ့ “သံယောဇဉ်” ဆိုတဲ့ သီချင်းတစ်ပုဒ်ကို ညီးနေမိပါတယ်။တွေးမိတာလေးတွေပါ။

Saturday, July 11, 2009

ထိုင်းနိုင်ရောက်ကျောင်းသားသံဃာအဖွဲ့ ဖွဲ့စည်းခြင်းသတင်း

သတင်းစဉ်
ဘလောဂ်ကြွလာမိတ်သဟာများခင်ဗျား၊ အထူသတင်းကောင်းတရပ်ပါးလိုသည်မှာ ထိုင်းနိုင်ငံရောက် တက္ကသိုလ်ပညာသင် ရဟန်းတော်များအဖွဲ့ကို .............ရက်နေ့တွင် တွင် ထိုင်းနိုင်တွင် ဥက္ကဋ္ဌ ၊ ဒု-ဥက္ကဋ္ဌ၊အတွင်းရေးမှုး စသည့်အဖွဲ့ဝင်များကို မဲစနစ်ဖြင့် ရွေးချယ်တင်မြောက်၍ ဖွဲ့စည်း
လိုက်ပါသည်။
ဖွဲ့စည်းရခြင်း၏ရည်ရွယ်ချက်မှာနုိုင်ငံရေးနှင့်မပတ်သက်ဘဲ စာသင်သားအချင်းချင်းတစ်ဦပေါ်တစ်ဦး
ပြည်ပတိုင်းတစ်ပါးနိုင်ငံတွင် ရိုင်းပင်ကူညီနိုင်အောင်၊ အခက်ခဲဖြစ်သည့် အဖွဲ့ဝင်သံဃာကို လူအား ၊ငွေအား ကူညီပေးရေး၊ အချင်းချင်းစည်းလုံးညီညွတ်ရေး၊ အလှုရှင်များက လှူဒါန်းသည့် အလှူငွေများကို စနစ်တကျ ဘဏ္ဍာထိန်း၊စာရင်းစစ်တို့က ထိန်းသိမ်းစီစစ်ကာ လိုအပ်ရာရာများကို ကူညီဆောင်ရွက်ပေးရေး စသည့် မွန်မြတ်သည့် ရည်ရွယ်ချက်များဖြင့် ဖွဲ့စည်းလိုက်ခြင်းဖြစ်ပါသည်။
ထို့ပြင် ထိုင်းနိုင်ငံရောက် နယ်ခြားဖြတ်ကျော် အလုပ်သမားများ၏အခက်ခဲများကို လိုက်ပါကူညီပေးရန် အစီအစဉ်များလဲ ရှိပါသည်။ ရဟန်းတော်များအနေဖြင့် ထိုင်းနိုင်ငံရောက် မြန်မာအလုပ်သမားများ၏
လူမှုရေး အခက်ခဲများကို ဘုရားရှင်ချမှတ်ထားသည့် သမ္မာအာဇီဝမဂ္ဂင်ကို ဦးထိပ်ထား၍ ပစ္စယာနုဂ္ဂဟ- ပစ္စည်းလေးပါးကို ထောက်ပံ့လှူဒါန်းကြသည့် ဒကာ ဒကာမများကို ဓမ္မာနုဂ္ဂဟ- တရားသော နည်းလမ်းဖြင့်
ပြန်လည်ကျေးဇူးဆပ်ရန် ရွယ်ချက်လည်း အဖွဲ့၏စည်းမျဉ်းတွင် ထည့်သွင်းထားပါသည်ဟုဆိုသည်။
ဤအဖွဲ့ကို နောင်တွင် တိုး၍စဉ်မျဉ်များချမှတ်ရန်လည်းရှိပါသည်ဟု အဖွဲ့ဝင် ပြန်ကြားရေး ကိုယ်စားလှယ်မှ တစ်ဆင့် ကြားသိရပါသည်။
ယခုဘလောဂ်ကိုဖတ်ရသဖြင့် မြန်မာနိုင်ငံ ပါတ်စပိုစ်ကိုင်ဆောင်ထားသော ထိုင်းနိုင်ငံတွင်သတင်းသုံးသည့် သံဃာအာလုံး၏ အကြံဥာဏ်များ၊ ကန့်ကွက်၊ထောက်ခံ၊ ကြားနေမဲများကိုလည်းကောင်း၊ အဖွဲ့ဝင်အဖြစ်ကိုလည်းကောင်း အထူးကြိုဆိုလျှက်ပါ သံဃာတော်အရှင်မြတ်များဘုရား၊

Friday, June 26, 2009

ကိုယ့်ရင်ထဲကိုယ် အရင် ငုံ့ကြည့်လိုက်စမ်းပါ

ဒီမိုကရေစီအဖွဲ့တွေ အဝေမတည့်ကြဘူး၊ ပိုက်ဆံလေး၊အာဏာလေး၊နေရာကို နှစ်ကြာတယ်၊လုပ်သက်ရင့်လို့၊ငါကဘာကောင်
လို့ ယူဆကာ သွေးစည်းမဲ့အစား ဘာမဟုတ်တဲ့နေရာလေးမှာကိုပင် ဒီမိုကရေစီစနစ်မကျင့်သုံးကြဘူးဆိုတာသိ
ရတယ်။ ဒီလိုဆိုဘယ်လို ဒီမိုကရေစီဘက်တော်သားတစ်ယောက်က ဒီမိုကရေစီကိုတိုက်နိုင်မှာလဲ၊ ကိုယ်ကိုယ်တိုင်
တောင်မှ ဒီမိုကရေစီကိုနားမလည်သေးပဲကိုး။ ပြည်ပရောက်လာတော့ တောသားမြို့ရောက်ဆိုသလိုမျိုး မမြင်ဘူးတဲ့ ရွှေပလင်ကို မြင်ရတော့ အာသာရမက် ငန်းငန်းတက်လာတယ်။ ထိမ်းမနိုင် သိမ်းမရဖြစ်လားတယ်။
နေရာကို အာဏာရှင်လမ်းစဉ်အတိုင်းစွဲကိုင်လာချင်တယ်၊ အဲဒါက ဒီမိုကရေစီကိုဆန့်ကျင်တဲ့ သူတွေလားတဲ့၊
ကိုယ့်နဲ့လက်တွဲဖော်လုပ်ကိုင်ဖက်တွေကို လဲနေရာပေးရတယ်၊ သူတို့အရည်အချင်းကို အသိအမှန်ပြုတတ်ရတယ်၊
ကိုယ်ကိုယ်တိုင်ကမှ တော်ကောင်းတတ်တဲ့သူတွေရဲ့အခွင့်အရေးကို အသိအမှန်မပြုတတ်ဘူးဆိုယင် ကိုယ်ရှာဖွေနေတဲ့ ဒီမိုကရစီဆိုတာ အလှမ်းဝေနေအုံးမယ်ဆိုတာ သေချာတွေးကြည့်စမ်းပါကိုယ့်လူရာ။
အဖွဲ့အစည်းတစ်ခုဖွဲ့လိုက်တိုင်း ကိုယ်ကကုလားထိုင်ကနေချင်ဘူဆိုယင်တော့ တစ်နှစ်တစ်ခါ အဖွဲ့အစည်း
ဖွဲ့စည်းတိုင်း ခေါင်းဆောင်လုပ်ချင်တဲ့သူတွေကိုမဲပေးတဲ့ စနစ်ကျင့်သုံးကျယင်မကောင်းပေဘူးလား၊အဖွဲ့ခေါင်းဆောင် လုပ်ချင်တဲ့သူတွေကို ကျန်တဲ့အဖွဲ့သားအားလုံးကု မဲစနစ်နဲ့ရွေးမယ်၊ ဒါဆိုယင် ကိုအဖွဲကနေပီး ဒီမိုကရေစီကို စတင်ကျင့်သုံးနေပီဆိုတဲ့ သဘောမျုိးဆောင်းနေပီလေ။
ဘာမဟုတ်တဲ့အဖွဲ့အစည်းလေးဖွဲ့တာတောင်မှ အာဏာကို စွဲကိုင်ထားခြင်တယ်ဆိုယင် ဒီမိုကရေစီအရေးတော်ပုံ အောင်လို့ တစ်ဒေါက်တစ်နေရာကနေ များနေရာရယင် ဆင်းပေးချင်ပါ့အုံးမလားဆိုတာ စဉ်းစားစရာတွေပါလာပီ။
ဒီမိုကရေစီဆိုတာ အဖွဲ့အစည်းညီညွတ်ရေးပဲ၊ ညီညွတ်တဲ့အဖွဲ့အစည်းဖြစ်ဖို့ ကိုယ်ကိုယ်တိုင်လဲ ညီညွတ်ဖို့လိုတယ်၊ ဘုရားက ၀ဇ်ဇီတိုင်းသားတွေကိုဟောကြားထားတဲ့ ဒီမိုကရေစီစနစ်ကိုလဲကျင့်သုံးတတ်ရတယ်။

Thursday, June 25, 2009

ထိုင်းနိုင်ရောက် မြန်မာများလူနေထိုင်မှု နှင့်အလုပ်အကိုင်များ

ဒီလိုရှိတယ်၊သူတို့ဘ၀ သူတို့ဓလေ့ပေါ့

25/06/2009

ဒီနေ့ ဘလော့လေးတစ်ခုရေးချင်တဲ့စိတ်ရှိလာတာနဲ့ ဒီဘလော့လေးကို ဖန်တီလာမိတယ်။ လွန်ခဲ့တဲ့ လေးနှစ်လောက်ကလဲ ဘလော့ကိုရေးခဲ့ဖူးပါတယ်။ နောက်တော့ ပျင်းနေတာနဲ့ပဲ ဆက်မရေးဖြစ်ခဲ့တော့ဘူး။
ကိုယ်ပိုင်ဘလောဂ်လုပ်ချင်တာကလဲ ကိုယ်ရေးတဲ့ စာတွေကို ခဏတာသိမ်ထားချင်တာလဲ ပါပါတယ်။
၂၀၀၉ ၀င်လာတာ ခြောက်လတောင်ရှိရောပေါ့။ နောက်ခြောက်လဆိုယင် ၂၀၀၉ ကလဲကုန်ပီလေ။ စက်ကန့်ကို
မီနစ်စား၊ မီနစ်ကို နာရီစား၊ နာရီကို ရက်စား၊ ရက်ကို လစား၊ လကိုကို နှစ်စား၊ နှစ်က လူကိုစား ဒါနဲ့ပဲ ဒီဘ၀တစ်ခု
မီးစာငြိမ်းသွားတာပေါ့လေ။ ရွှေသမင် တံလျပ်ကို ရေထင်နေသမျှ ဘ၀ဟာလဲ ဘယ်အခါမှ ပြည့်စုံတယ်လို့ ပြောလို့
ရမယ်မထင်ပါဘူးကွယ်။